ჰაერის დაბინძურებამ და სიცივემ შეიძლება გამოიწვიოს ეპილეფსიური გულყრა: კვლევა
კუანგ ტიენის გენერალური საავადმყოფოს ექიმის მიერ ჩატარებული კვლევის თანახმად,ეპილეფსიით დაავადებული პაციენტები ჰაერის დაბინძურებისა და ზამთრის ცივი ამინდების გამო, ხშირად ვარდებიან კრუნჩხვებში.
კუანგ ტიენი ხუთი წელი ატარებდა კვლევებს და აკვირდებოდა ეპილეფსიურ კრუნჩხვების კორელაციასა და ისეთ ფაქტორებს როგორებიცაა: სეზონურობა, მეტეოროლოგიური პირობები და ჰაერის დაბინძურება.
თავის კვლევაში ჩიანგმა დაადგინა, რომ იანვარსა და თებერვალში ტაივანში ეპილეფსიური პაციენტების საავადმყოფოებში ვიზიტების რაოდენობა ბევრად მეტი იყო, ვიდრე სხვა თვეებში.
კვლევის მიხედვით, აღმოჩენილია,რომ თვეში საშუალო ვიზიტი ყოველდღიურად თანაფარდობაშია რამდენიმე ცვლადთან, მათ შორის ჰაერის დამაბინძურებლებთან, როგორიცაა: მეთანი (CH4), აზოტის ოქსიდი (NO), ნახშირჟანგი (CO), აზოტის დიოქსიდი (NO2), PM2.5 და არამეტანის ნახშირწყალბადები (NMHC).
ჩიანგის აზრით, ზამთარში მაღალი ატმოსფერული წნევა ერთ-ერთი ხელშემწყობი ფაქტორია. როდესაც მონღოლეთიდან და ციმბირიდან კონტინენტური ცივი ჰაერის მასები ემთხვევა ეკვატორულ თბილ ჰაერს ტაივანში, მათ შეუძლიათ შექმნან უკიდურესად ნოტიო და მკვრივი ჰაერის მასები, რომლებიც უფრო მაღალ ზედაპირულ წნევას იწვევენ.
კვლევის თანახმად, ეპილეფსია შეიძლება იყოს როგორც გენეტიკური, ასევე შეძენილი, ბარომეტრული წნევის ცვლილებებმა შეიძლება ტვინის ნერვული სისტემის ზედმეტი სტიმულირება მოახდინოს,რაც ხელს უწყობს გულყრების მარტივად გამოწვევას.
ჩიანგი პაციენტებს ურჩევს მეტი ყურადღება მიაქციონ ამინდის ცვლილებებს,თბილად იყვნენ, დაიცვან მსუბუქი დიეტა, რაციონიდან ამოიღონ ცხარე საკვები, სრულყოფილად გამოიძინონ და სწორად ივარჯიშონ იმუნიტეტის ასამაღლებლად,აგრეთვეთავი შეიკავონ ცივ დღეებში გარეთ გასვლისგან.
ეპილეფსია არის ნევროლოგიური აშლილობა ან დაავადება, რომელიც შეიძლება ჰქონდეს ნებისმიერი ასაკის ადამიანს. დაავადებას ახასიათებს არაპროგნოზირებადი ან ნაადრევი კრუნჩხვები, რამაც შეიძლება ჯანმრთელობის სხვა გართულებები გამოიწვიოს.