გაზრდილი ჰაერის ხარისხის მონიტორინგი ილინოისში

• წელს 4000-ზე მეტი დაფიქსირებული ტყის ხანძრიდან 1000-ზე მეტი ჯერ კიდევ მძვინვარებს კანადაში.
• ილინოისის გარემოს დაცვის სააგენტომ (EPA) გააფართოვა ჰაერის დაბინძურების წინააღმდეგ მიმართული დღის სამოქმედო პროგრამა.

• ზომაზე მაღალი დაბინძურებისას EPA-ს შეუძლია სამოქმედო დღის გამოცხადება.

იმის გამო, რომ კანადის ტყის ხანძრის კვამლით გამოწვეული ბურუსიანი დღეები ისევ ხშირია ილინოისში, შტატის ოფიციალურმა პირებმა გააფართოვეს შეტყობინებები ჰაერის ხარისხისა და საზოგადოებრივი ჯანმრთელობის შესახებ.

წელს 4000-ზე მეტი დაფიქსირებული ტყის ხანძრიდან 1000-ზე მეტი ჯერ კიდევ მძვინვარებს კანადაში. ზაფხულის განმავლობაში დაიწვა თითქმის 30 მილიონი ჰექტარი ტყის ფართობი, რასაც აშშ-ში კვამლის სქელი ღრუბლების გავრცელება მოჰყვა.

ილინოისის გარემოს დაცვის სააგენტომ (EPA) გააფართოვა ჰაერის დაბინძურების წინააღმდეგ მიმართული დღის სამოქმედო პროგრამა ჩიკაგოს რაიონის მიღმა, რათა მოიცვას მონიტორინგის ქვეშ არსებული ილინოისის თოთხმეტივე რაიონი.

ჰაერის ხარისხი ფასდება ფერადი კოდირებული სისტემის მეშვვეობით მწვანედან მუქ წითლამდე. მწვანე აღნიშნავს კარგს, ხოლო მუქი წითელი — ჰაერის სახიფათო დონეს.

„ბოლო კვირების განმავლობაში რეგიონში ტყის ხანძრის კვამლის შედეგად ილინოისის ჰაერის ხარისხმა მიაღწია ისეთ დონეს, როგორიც ბოლო ათწლეულების განმავლობაში არ არსებულა“ — განაცხადა ილინოისის EPA-ს დირექტორმა ჯონ ჯ. კიმმა. ასევე დასძინა — „მომავალი მსგავსი მოვლენების მოლოდინში გვინდა დავრწმუნდეთ, რომ მაცხოვრებლები მიიღებენ სიფრთხილის ზომებს თავიანთი ჯანმრთელობის დასაცავად“.

ხალხს შეუძლია მიიღოს ჰაერის ხარისხის უფასო პროგნოზები და გაფრთხილებები airnow.gov-ის საშუალებით. რეალურ დროში ჰაერის ხარისხის გაგება ასევე ხელმისაწვდომია myjournalcourier.com-ზე.

„რადგან ილინოისი კვლავ დგას ცუდი და საშიში ჰაერის ხარისხის გამოწვევების წინაშე, მნიშვნელოვანია, რომ მაცხოვრებლებმა უკეთ იცოდნენ ჰაერის ხარისხის პროგნოზები თავიანთ თემში და მიიღონ აუცილებელი ზომები საკუთარი ჯანმრთელობისა და საყვარელი ადამიანების ჯანმრთელობის დასაცავად“ — განაცხადა ილინოისის საზოგადოებრივი ჯანდაცვის დეპარტამენტის დირექტორმა სამერ ვოჰრამ.

მათ, ვინც ცხოვრობს ისეთ ადგილებში, სადაც ჰაერის ხარისხი ცუდი ან სახიფათოა ჯანდაცვის სააგენტო რეკომენდაციას უწევს დარჩნენ შინ, თუ შესაძლებელია, დახურონ ფანჯრები და კარები, ასევე გარეთ ყოფნისას ატარონ მაღალი ხარისხის ნიღბები.

სტატიაზე მუშაობდა: თაკო ოზბეტელაშვილი, იამზე მარკოიძე

წყარო: Myjournalcourier.com

30 იანვარი 2024 წელი.