გამოძიება, თუ როგორ შემცირდეს ჰაერის შიდა დაბინძურება განვითარებად ქვეყნებში
მკვლევრები სურეის უნივერსიტეტში განვითარების ოფიციალური დახმარების (ODA) 11 ქვეყანასთან პარტნიორობენ, რომ გამოიკვლიონ სახლებსა და გარემოში ჰაერის დაბინძურების შემცირების გზები.
ჯანდაცვის მსოფლიო ორგანიზაციის მიხედვით, ჰაერის შიდა დაბინძურება იწვევს წელიწადში 4.3 მილიონი ადმიანის ნაადრევ სიკვდილს მსოფლიო მასშტაბით.
დაბალი შემოსავლის მქონე ოჯახებში, კონკრეტულად განვითარებად ქვეყნებში, ცუდი ვენტილაცია და საჭმლის მომზადების უნიათო მეთოდები აიძულებს ხალხს იცხოვროს ცუდი ხარისხის ჰაერის მქონე გარემოში.
იმისათვის, რომ ამაღლდეს ცნობიერება და შემცირდეს დაბინძურება, სურეის სუფთა ჰაერის კვლევის გლობალური ცენტრი იმუშავებს პარტნიორებთან, რათა ჩაატარონ ვებინარები, მოაწყონ აქტივობები და მართონ სასწავლო კურსები დაბალი შემოსავლის მქონე ოჯახებისთვის.
პროექტი ასევე შეაგროვებს ძირითად მონაცემებს აეროზოლისა და ნახშირორჟანგის გამოყოფის შესახებ თორმეტ ქალაქში ODA ქვეყნებიდან, რათა მიღებულმა ინფორმაციამ ხელი შეუწყოს ჰაერის შიდა დაბინძურების შემცირების სტრატეგიების განვითარებას.
პროფესორმა პრაშანტ კუმარმა, რომელიც პროექტის მთავარი მკვლევარი და GCARE-ის დამფუძნებელია სურეის უნივერსიტეტში, განაცხადა: „ჩვენი მთავარი მიზანი და უდიდესი ენთუზიაზმის საგანი აქ, GCARE-ში, არის, რომ შევეცადოთ შევქმნათ მსოფლიო, სადაც სუფთა ჰაერი ხელმისაწვდომი იქნება ყველასთვის, მათ შორის შიდა გარემოებში. ეს იდეალი გახდა კიდევ უფრო საჭირო COVID-19-ის საშინელი კრიზისის გამო.
ჩვენ მოხარულები ვართ მივიღოთ მხარდაჭერა სურეის გლობალური გამოწვევების კვლევის ფონდიდან და ვაპირებთ დაუღალავად ვიმუშაოთ ჩვენს მეგობრებთან ერთად მსოფლიო მასშტაბით, რათა გავხადოთ ჰაერი უფრო სუფთა და უსაფრთხო ყველასთვის“.
პროფესორი დეივიდ სიმფსონი ამატებს : „ჩვენ ვამაყობთ პროფესორ კუმარისა და მისი გუნდის კოლაბორაციული და აშკარა გლობალური საქმიანობით. მართლაც, არც ისე ბევრი რამაა უფრო მნიშვნელოვანი, ვიდრე იმ ჰაერის ხარისხი, რომელსაც ჩვენ, ყველა, ვსუნთქავთ.
წინა წელი იყო პოზიტიური მტკიცებულება იმისა, თუ როგორ შეუძლია ცოდნის გაცვლასა და თანამშრომლობას მიაღწიოს მსოფლიოს ყველაზე მძიმე პრობლემების მოგვარების შუაგულს“.
სტატიაზე იმუშავა : თაკო გეგელაშვილი – ნინი თოიძე