დედამიწის საათი

დედამიწის საათს 2007 წლიდან აღნიშნავენ. ყოველ წელს, მარტის  თვის ბოლო შაბათს, ათასობით ქალაქში,  მილიონობით ადამიანი, დათქმულ დროს, ერთი საათით უარს ამბობს ელექტრო ენერგიის გამოყენებაზე. ეს აქცია გარემოსდაცვითი ცნობიერების ამაღლებას, ელექტრო ენერგიის დაზოგვას და სათბურის აირების შემცირებას ემსახურება და კლიმატის ცვლილებების წინაარმდეგ არის მიმართული.

დედამიწის საათი პირველად 2007 წლის 31 მარტს სიდნეიში, აღინიშნა. მაშინ აქციას დაახლოებით 2,2 მილიონი ავსტრალიელი ოჯახი  შეუერთდა. 2008 წელს დედამიწის საათი უკვე 35 ქვეყნის 370 ქალაქში აღნიშნეს. ღონისძიების ორგანიზატორი ბუნების დაცვის მსოფლიო ფონდია.

ბოლო წლებში მონაწილეთა რიცხვი საგრძნობლად გაიზარდა. 135 ქვეყნის 5000 ქალაქიდან ბუნების 2 მილიარდზე მეტი გულშემატკივარი აღნიშნავს დედამიწის საათს. ეს მსოფლიოში უდიდესი გარემოსდაცვითი აქციაა. ღონისძიების მთავარი მიზანი კლიმატის ცვლილების შესახებ ინფორმაციის გავრცელება და საზოგადოების  გარემოსდაცვითი ცნობიერების ამაღლებაა.

დედამიწის საათის პრინციპი ასეთია: აქციის მონაწილეები შესაბამის დღეს ადგილობრივი დროით 20:30-დან 21:30 საათამდე აქრობენ შუქს. ამ დღეს ასევე ითიშება მსოფლიოს ბევრი ცნობილი ღირსშესანიშნაობის განათებაც – როგორიცაა ეიფელის კოშკი პარიზში, ბიგ ბენი ლონდონში, ქრისტეს ქანდაკება რიო – დე – ჟანეიროში და ა შ.

სტატიაზე მუშაობდა : მეგი წერეთელი