ახალი დიზელის ძრავიანი ავტომობილების გაყიდვები 90%-ით დაეცა
ორგანიზაცია Clean Cities Campaign-ის მიერ ჩატარებული ახალი კვლევა ადასტურებს, რომ დიდ ბრიტანეთში ახალი დიზელისძრავიანი ავტომობილების გაყიდვები 90%-ით დაეცა, ხოლო ელექტრომობილების გაყიდვებმა 1674%-ით აიწია.
2021 წელს ლონდონში დარეგისტრირებული ახალი ავტომანქანების მხოლოდ 8% იყო დიზელისძრავიანი. 2020 წელს ეს მაჩვენებელი 13%-ს, ხოლო 2019-ში 20%-ს შეადგენდა.
2021 წლის მესამე კვარტალში მთელი ბრიტანეთის მასშტაბით მეტი აკუმულატორზე (BEV) მომუშავე ელექტრომობილი დაარეგისტრირეს, ვიდრე დიზელის ძრავიანი ავტომანქანა. 2020 წლის ამავე პერიოდის მონაცემებთან შედარებით ელექტრომობილების რიცხვი 44%-ით გაიზარდა.
ბოლო 5 წლის განმავლობაში, დიდ ბრიტანეთში დიზელისძრავიანი ავტომობილების გაყიდვები 89.40%-ით დაეცა, თუმცა დიზელსა და ბენზინზე მომუშავე ავტომანქანების გაყიდვები მაინც ჭარბობს ელექტრომობილების გაყიდვებს 1:5 თანაფარდობით.
Clean Cities Campaign-ის ბრიტანული განყოფილების ხელმძღვანელი, ოლივერ ლორდი, ამბობს: „მრავალწლიანი ბრძოლისა და საწარმოების მიერ შექმნილი სმოგის შემდეგ დიზელისძრავიანი ავტომობილების ეპოქის აღსასრული ახლოვდება. გაცილებით მეტს მივაღწევთ და მეტ სიცოცხლეს გადავარჩენთ, თუ ამ ტიპის მანქანებს საბოლოოდ ნაგავსაყრელზე გავუშვებთ. ადგილობრივმა ხელისუფლებამ ყველაფერი უნდა გააკეთოს ადამიანების ქცევის შესაცვლელად. მაგ. დააწესოს აკრძალვები დიზელისძრავიანი ავტომობილების პარკირებაზე და შეიმუშაოს მათზე 2030 წლამდე სრული უარის თქმის გეგმა. ეს მნიშვნელოვანი ეტაპი იქნება სუფთა ჰერისთვისა და კლიმატურ კრიზისთან ბრძოლაში.“
მონაცემები ცხადჰყოფს, რომ ისლინგტონი შეიძლება ლონდონის პირველი უბანი გახდეს, რომელიც სრულიად თავისუფალი იქნება დიზელისძრავიანი ავტომობილებისგან. ბოლო ხუთი წლის ტენდენციებიდან გამომდინარე კამპანიის მონაწილეები ვარაუდობენ, რომ უახლოეს 12 თვეში ისლინგტონში არცერთ დიზელისძრავიან მანქანას დაარეგისტრირებენ.
ამ კვლევის ჩატარების ფონზე მიმდინარეობს კამპანია „დედები ფილტვებისათვის“ (Mums for Lungs), რომლის მონაწილეებიც მოუწოდებენ ადგილობრივ ხელისუფლებას დაეხმარონ ქალაქის უბნებს დიზელის კვამლისგან გათავისუფლებაში. მათ აბრებზეა ფრაზა – „ბოლო მოუღეთ დიზელის კვამლს.“
დიზელის გავლენა ჰაერის დაბინძურებაზე ჯერ კიდევ არაპროპორციულად დიდია. უახლესმა კვლევებმა დაადასტურეს, რომ დიზელისძრავიანი ავტომობილები სამჯერ უფრო მეტად აბინძურებენ ლონდონის ჰაერს, ვიდრე სატვირთოები.
დიზელისძრავიან ავტომობილებზე უარის თქმის პროცესის დასაჩქარებლად კამპანიის მონაწილეები თემთა პალატას მოუწოდებენ მომავალი წლიდან შეწყვიტონ დიზელისძრავიანი ავტომობილების დარეგისტრირების ნებართვების გაცემა. გამონაკლისები მხოლოდ ლურჯი ბეიჯების მფლობელებისთვის დაიშვება.
დევიდ ნიკოლსონმა, ორგანიზაცია „დედები ფილტვებისთვის“ წევრმა განაცხადა: „ 15 წლის წინ ავკრძალეთ სიგარეტის კვამლი პაბებში. ახლა დროა ჩვენმა ხელისუფლებამ აკრძალოს დიზელისძრავიანი ავტომობილები, რათა მათი კვამლი აღარ აბინძურებდეს ჰაერს, რომელსაც ვსუნთქავთ. ეს განსაკუთრებით მნიშვნელოვანია ბავშვების, ასთმით დაავადებულების და შედარებით ღარიბი ადამიანების დასაცავად, რომლებიც ავტომაგისტრალების გვერდით ცხოვრობენ.“
სტატიაზე მუშაობდა : ლილიან მეტრეველი
წყარო : airqualitynews.com