როგორ გამოვიყენოთ ტოტები მულჩისთვის

• შეინახეთ ტოტები ხის გასხვლის შემდეგ, რათა მისგან მოამზადოთ ახალი მულჩი თქვენი ბოსტნისთვის. ტოტებისგან დეკორატიული მულჩის დამზადება შესაძლებელია მისი ნაფოტებად ქცევის შემდეგ.
• მულჩი სპობს სარეველების უმეტესობას და ხელს უშლის ნიადაგის ტენიანობის დაკარგვას. ხის მულჩები ნელა იშლება, ამიტომ ისინი დიდხანს ძლებს და არ იწვევს ნიადაგის გამოფიტვას საკვები ნივთიერებებისგან.
• მოერიდეთ მულჩის მიწაში დამუშავებას, წინააღმდეგ შემთხვევაში, ის დაიწყებს დაშლას და გამოიწვევს აზოტის დროებით დეფიციტს.

1.მულჩის დადებამდე ამოძირკვეთ სარეველა და მოასუფთავეთ მიწის ზედაპირი, მათ შორის,  ჩამოცვენილი ტოტების ან მცენარეთა ნარჩენებისგან. დაამუშავეთ მიწა თოხით, რათა ხელი შეუშალოთ ახალი მცენარეების გაზრდას.

2.დაფარეთ ბოსტანი ქსოვილით ან დააფინეთ გაზეთის ფურცლები, სურვილისამებრ. გააკეთეთ ხვრელები დაფენილ ქსოვილში ან გაზეთში ისე, რომ მოერგოს არსებულ მცენარეებს. ქსოვილის კარგად დასაფიქსირებლად დაფარეთ მისი კიდეები მიწით. თუ აფენთ ლანდშაფტურ ქსოვილს, შეგიძლიათ გამოიყენოთ ბოსტნის სტეპლერი. ეს მასალები წარმოადგენს მეორად ბარიერს უფრო აგრესიული სარეველებისთვის.

3.დანაფოტებული ტოტები გაანაწილეთ ბოსტნის თავზე. 2-3 სმ.-ის დიამეტრის მულჩი დაყარეთ 5-6 სანტიმეტრის სიღრმეზე, უფრო დიდი ტოტების მულჩი კი – 10 სანტიმეტრის სიღრმეზე.

4.მოაცილეთ მულჩი მცენარის ძირებს. დატოვეთ 6 სმ.-მდე მანძილი მულჩსა და პატარა ბალახოვანი მცენარეების ძირებს შორის და დააახლოებით 15 სმ. მულჩსა და ხეს შორის.

5.დაყრილი მულჩიდან დაუყოვნებლივ ამოძირკვეთ ნებისმიერი სარეველა, რათა არ გაიდგას ფესვები. განაახლეთ მულჩის ფენა ყოველწლიურად გაზაფხულზე, მისი სიღრმის შესანარჩუნებლად.

სტატიაზე მუშაობდა  : ალექსანდრე ფიფია და მარიამ ტატუშვილი