საფრანგეთში მძღოლებს ფულს გადაუხდიან, თუ პიკის საათში ავტომობილით არ იმოძრავებენ

საფრანგეთის ქალაქ ლილში მძღოლებს, რომლებიც პიკი საათების დროს ავტომობილების მართისგან თავს შეიკავებენ, ფულის გამომუშავების შესაძლებლობა ეძლევათ. ამის შესახებ ფრანგული მედია წერს.

ქალაქ ლილის ადმინისტრაციის ახალი პროგრამა, რომელიც გასული სამშაბათს ამოქმედდა, მიზნად ისახავს საცობებთან და ჰაერის დაბინძურებასთან ბრძოლას. აღნიშნული პროგრამის ფარგლებში მძღოლებს ყოველი გაუქმებული მგზავრობისთვის 2 ევრო დაერიცხებათ, 1 თვეში კი 80 ევრომდე კომპენსაციის მიღება შეუძლიათ, პირობა კი ისაა, რომ მძღოლებს პიკის საათებში მოუწევთ მანქანის ავტოფარეხში დატოვება. სექტემბრიდან A1 და A23 მაგისტრალებზე დაიწყება ექსპერიმენტი დილის 7 საათიდან დილის 9 საათამდე დასაღამოს 4:30 საათიდან საღამოს 7 საათამდე მგზავრობისთვის.

მძღოლებს შესაბამის საიტზე მოუწევთ რეგისტრაცია. სპეციალურად ამ პროგრამისთვის გზებზე დამონტაჟდება კამერები, იმ შემთხვევაში თუ აღნიშნული კამერები, საიტზე დარეგისტრირებულ ავტომობილებს ამ გზებზე ვერ დააფიქსირებენ, მძღოლები შესაბამის „ჯილდოს“ მიიღებენ

წყარო : commersant.ge