კლიმატის ცვლილება გავლენას ახდენს სასმელი წყლის ხარისხზე

●    წყლის რეზერვუარებში სასმელი წყლის ხარისხი  სასიცოცხლოდ მნიშვნელოვანია.

●    ტყის მასიური კვდომა დრამატულად პროგრესირებს ,რაც სასმელი წყლის ხარისხის და რაოდენობის პრობლემას ქმნის .

კლიმატის ცვლილების გამო წყლის რაოდენობასთან ერთად საფრთხე ექმნება მის ხარისხს. წყალსაცავებში დარეზერვებული წყალი სასმელი წყლით მომარაგებას უზრუნველყოფს და მისი ხარისხი სასიცოცხლოდ მნიშვნელოვანია.

ჰარცის რეგიონში რაპბოდეს წყალსაცავის მოდელის შესწავლისას, ჰელმჰოლცის გარემოსდაცვითი კვლევის ცენტრის (UFZ) მკვლევარმა ჯგუფმა აჩვენა, თუ როგორ ცუდი  გავლენა შეიძლება იქონიოს გერმანიის უდიდესი სასმელი წყლის წყალსაცავის აუზის ზონაში წყლის ხარისხზე კლიმატთან დაკავშირებულმა ტყეების გაქრობამ.

კლიმატის ცვლილების ასეთი არაპირდაპირი შედეგებით შექმნილი პრობლემა სერიოზულად არ არის შეფასებული, გვაფრთხილებენ მეცნიერები Water Research-ში. წყლის ხარისხს გადამწყვეტი მნიშვნელობა აქვს, განსაკუთრებით სასმელი წყლის რეზერვუარებისთვის, რადგან წყალსაცავში არსებული წყალი  მუდმივად უნდა აკმაყოფილებდეს მაღალ სტანდარტებს.

სითბური ტალღები, გვალვა, წყალდიდობა, ტყის ხანძარი – კლიმატის ცვლილების შედეგები იზრდება და ცვლის ჩვენს გარემოს. მთავარი მაგალითია აღმოსავლეთ ჰარცის რეგიონში რაპბოდეს წყალსაცავის წყალშემკრები რაიონი. ეს არის უდიდესი რეზერვუარი გერმანიაში, რომელიც სასმელი წყლით უზრუნველყოფს დაახლოებით ერთ მილიონ ადამიანს.

გვალვის ხანგრძლივმა პერიოდებმა(2015 წლიდან 2020 წლამდე) იმდენად შეასუსტა ხეების პოპულაცია აღნიშნულ რეგიონში, რომ პარაზიტებმა, როგორიცაა ქერქის ხოჭო, გამრავლება შეძლეს. ამან კიდევ უფრო გააძლიერა ეფექტი, ხეები კიდევ უფრო დაზიანდა და სწრაფად გახმა. „ბოლო ოთხი წლის განმავლობაში რაპბოდეს წყალშემკრებმა ზონამ, რომელსაც ახასიათებს წიწვოვანი ტყის მასივი (ძირითადად ნაძვი), დაკარგა ტყის 50 პროცენტზე მეტი“, ამბობს UFZ-ის ჰიდროლოგი და ბოლო ავტორი პროფესორი მაიკლ როდი. „ტყის ეს მასიური კვდომა სწრაფად პროგრესირებს და სიტუაცია მეტად  დრამატულია. შესაბამისად, ცუდი შედეგი ექნება სასმელი წყლის რეზერვუარზე“.

ჰარცის რეგიონში მდებარე რაპბოდეს წყალსაცავი გარშემორტყმულია ტყეებით და სასმელი წყლის უდიდესი რეზერვუარია გერმანიაში.

სტატიაზე მუშაობდა : ლილი ყვავილაშვილი და ანა ახალაძე

წყარო : www.enn.com

31 ოქტომბერი 2022 წელი.