კალიფორნიაში გაჩენილმა ტყის ხანძარმა ორი ადამიანი იმსხვერპლა

• კალიფორნიაში მომატებული ტემპერატურის გამო გაჩნდა ხანძარი, რომლის კონტროლიც მეხანძრეებს უჭირთ
• ხანძარმა ორი ადამიანი იმსხვერპლა და შვიდს დამწვრობა გაუჩინა
• ხანძარი აუარესებს ჰაერს რეგიონში და მაღალი კვამლის გამო ეს დაბინძურება უფრო შორს ვრცელდება

კალიფორნიაში ტემპერატურის მკვეთრი მატების გამო გაჩენილი ტყის ხანძრის შედეგად შტატში ორი ადამიანი დაიღუპა.

რამდენიმე ხანძარი გაჩნდა ჩრდილოეთ კალიფორნიაში, ლოს-ანჯელესსა და სან დიეგოში, რომელთა კონტროლიც მეხანძრეებს უჭირთ.

სახლები განადგურდა და დაახლოებით 1000 ადამიანს სთხოვეს სახლიდან ევაკუაცია, მანამდე შტატის გუბერნატორმა გევინ ნიუსომმა გასულ კვირას საგანგებო მდგომარეობა გამოაცხადა.

ზოგიერთ რაიონში ტემპერატურამ 100F (38°C)-ს გადააჭარბა, ბურბანკმა დააფიქსირა ტემპერატურის ახალი რეკორდი, როდესაც ტემპერატურამ გასულ ოთხშაბათს 112F (44°C) გრადუსს მიაღწია.

ძლიერმა ქარმა, მშრალმა მცენარეულობამ და ძლიერმა სიცხემ გაართულა მეხანძრეების სამუშაო პირობები, რის გამოც შვიდი მათგანი სითბური დაზიანებებით იტანჯება.

გავრცელებული ინფორმაციით, მეხანძრეებმა მოახერხეს ხანძრის 25%-იანი შეკავება ორეგონის საზღვართან, ხოლო სან-დიეგოში ეკიპაჟებმა მთის ხანძრის 5% შეაკავეს.

კლიმატის კრიზისმა გამოიწვია სახიფათო ტყის ხანძრების რაოდენობის ზრდა, ბრიტანული უნივერსიტეტების კვლევის მიხედვით, რომლებიც გავლენას ახდენენ რეგიონებზე მთელი მსოფლიოს მაშტაბით.

ეს დიდ გავლენას ახდენს ჰაერის ხარისხზე. კვლევებმა აჩვენა, რომ გასულ წელს აშშ-ის წყნარი ოკეანის ჩრდილო-დასავლეთში გაჩენილმა ხანძრებმა ნახშირბადის მონოოქსიდის დონის ზრდა გამოიწვია.

გარდა ამისა, იუტას უნივერსიტეტმა აჩვენა, რომ ტყის ხანძრები აშშ-ის დასავლეთში წარმოქმნიან უფრო მაღალ კვამლს და ავრცელებენ დამაბინძურებლებს უფრო დიდ დისტანციებზე.

სტატიაზე მუშაობდა : ანა ქავთარაძე და ვალერი გელოვანი

წყარო : airqualitynews.com

9 ოქტომბერი 2022 წელი.