მცენარეთა დიდი მრავალფეროვნება ხშირად ყველაზე პატარა ტერიტორიაზე გვხვდება

შეიძლება უცნაურად ჟღერდეს, მაგრამ ასეა: აღმოსავლეთ ევროპის სტეპები მცენარეთა იმდენივე სახეობის სამშობლოა, რამდენისაც ამაზონის ტროპიკული ტყეები.

შეიძლება უცნაურად ჟღერდეს, მაგრამ ასეა: აღმოსავლეთ ევროპის სტეპები მცენარეთა იმდენივე სახეობის სამშობლოა, რამდენისაც ამაზონის ტროპიკული ტყეები, თუმცა ეს მხოლოდ მაშინ არის შესამჩნევი, როდესაც სახეობები დათვლილია მცირე შერჩევით ტერიტორიაზე და არა ჰექტრობით მიწებზე. მკვლევართა საერთაშორისო ჯგუფმა მარტინ ლუთერის უნივერსიტეტის, ჰალლე-ვიტენბერგისა, (MLU) და გერმანიის ბიომრავალფეროვნების კვლევის ინტეგრირებული ცენტრის (iDiv), ჰალლე-იენა-ლაიფციგის, ხელმძღვანელობით აჩვენა, რამდენად იცვლება მცენარეთა მრავალფეროვნება, როდესაც ნიმუშის აღების არეალი მერყეობს რამდენიმე კვადრატული მეტრიდან ჰექტრამდე. მათი შედეგები გამოქვეყნდა ჟურნალში “Nature Communications” და შეიძლება გამოვიყენოთ ბუნების კონსერვაციის ახალ, უფრო სპეციალიზებულ კონცეფციებში.

კვლევისას ჯგუფმა გააანალიზა დაახლოებით 170 000-მდე მცენარეული საფარის მონაცემები დედამიწის ყველა კლიმატური ზონიდან. მონაცემთა ბაზა შეიცავდა ადგილზე აღმოჩენილი ყველა სახეობის მცენარის შესახებ ინფორმაციასა და შესაბამისი შესწავლილი ტერიტორიის კოორდინატებს. მონაცემების აიღეს მსოფლიოს მასშტაბით უნიკალურ მცენარეთა სახეობის ბაზიდან “sPlot”, რომელიც მდებარეობს iDiv-ში.

„გლობალური ბიომრავალფეროვნების შესახებ კვლევების უმეტესობა ტარდება შედარებით ფართო მასშტაბით, მაგალითად, სახელმწიფოს ან პროვინციის მასშტაბით. ჩვენ გვინდოდა გაგვერკვია, რამდენად განსხვავდება შედეგები მცირე ტერიტორიების შესწავლისას“, – ამბობს პროფესორი ჰელგე ბრუელჰაიდი MLU-დან. ჯგუფმა გამოიყენა ხელოვნური ინტელექტი, სხვა საკითხებთან ერთად, მცენარეთა სახეობების რაოდენობასა და შესასწავლი ტერიტორიის ზომას შორის კავშირის გამოსაკვლევად.

სტატიაზე მუშაობდა : ელისაბედ ბალანჩივაძე და ლედი ბოჟაძე

წყარო : www.enn.com

16 ოქტომბერი 2022 წელი.