ევროკავშირი 4 მილიონ ევროს სთავაზობს ეგვიპტის გარემოსდაცვით სექტორს მწვანე ინდუსტრიის მხარდასაჭერად
- სამრეწველო დაბინძურების კონტროლის პროგრამა (EPAP) არის ეგვიპტის გარემოს დაცვის სამინისტროს ერთ-ერთი ყველაზე დიდი და მნიშვნელოვანი ინიციატივა
- EPAP ინიციატივა დაეხმარება ეგვიპტეს ქვეყანაში არსებული ეკოლოგიური მდგომარეობის საერთაშორისო სტანდარტებთან შესაბამისობაში მოყვანის პროცესში.
- ინიციატივა განხორციელდება ევროკავშირთან, ევროპის საინვესტიციო ბანკთან, საფრანგეთის განვითარების სააგენტოსა და KfW განვითარების ბანკთან პარტნიორობის ფარგლებში.
ეგვიპტის გარემოს დაცვის მინისტრმა, იასმინ ფუადმა, ხელი მოაწერა 4 მილიონი ევროს ოდენობის საგრანტო შეთანხმებას ევროკავშირთან, რომ მხარი დაუჭიროს ქვეყნის გარემოს დაცვითი მიმართულების განვითარებას.
ფუადის თქმით, ეს გრანტი არის სამრეწველო დაბინძურების კონტროლის პროგრამის (EPAP) მესამე ეტაპისთვის გამოყოფილი დაფინანსების ნაწილი, რომლის ბიუჯეტიც შეადგენს 145 მილიონ ევროს და განხორციელდება ევროკავშირთან, ევროპის საინვესტიციო ბანკთან, საფრანგეთის განვითარების სააგენტოსა და KfW განვითარების ბანკთან პარტნიორობის ფარგლებში.
მისი განმარტებით, EPAP არის გარემოს დაცვის სამინისტროს ერთ-ერთი ყველაზე დიდი და მნიშვნელოვანი ინიციატივა, რომ დაეხმაროს ეგვიპტის ინდუსტრიას ქვეყანაში არსებული ეკოლოგიური მდგომარეობის საერთაშორისო სტანდარტებთან შესაბამისობაში მოყვანის პროცესში. გარდა ამისა, პროგრამა ითვალისწინებს ენერგიისა და რესურსების მოხმარების შემცირების ხელშეწყობას, რაც მდგრადი განვითარების ერთ-ერთი მიზანია.
მინისტრმა აღნიშნა, რომ პროგრამა ამჟამად მოიცავს გარემოსდაცვითი და ენერგოეფექტურობის პროექტებს 200 მილიონ ევროზე მეტი ბიუჯეტით. ასევე, მან განმარტა, რომ პროგრამა შექმნილია კომპანიების ფინანსური წახალისების საფუძველზე, რათა მრეწველობამ შეძლოს მწვანე ეკონომიკის სტრუქტურაზე გადასვლა და შეამციროს სათბურის აირების გამოყოფა. პროგრამა ასევე უზრუნველყოფს ინდუსტრიის სხვადასხვა დარგის ფუნქციონირების ინოვაციური გზების შეთავაზებას, რაც მწვანე ეკონომიკის მოდელზე გადასვლის პროცესს გააადვილებს.
სტატიაზე მუშაობდა : თაკო ჩუმაშვილი და ნინი თოიძე
წყარო : dailynewsegypt.com
1 ოქტომბერი 2022 წელი.