ექსპერტები უერთდებიან მთავრობას ნულოვანი გამონაბოლქვით ფრენებზე სამუშაოდ

• ნულოვანი გამონაბოლქვის მქონე ფრენების (ZEF) უზრუნველყოფის ჯგუფი მხარს დაუჭერს ნულოვანი ემისიის თვითმფრინავებისა და აეროპორტის ინფრასტრუქტურის შემუშავებას
• „ჩვენ გადაწყვეტილი გვაქვს, წამოვწიოთ მომავლის ფრენის ტექნოლოგია და ახალი ჯგუფის მეშვეობით ხელს შევუწყობთ ათასობით სამუშაო ადგილის შექმნას ქვეყნის მასშტაბით და ნულოვანი ემისიის ფრენებისკენ კიდევ ერთ ნაბიჯს გადავდგამთ“

ავიაციის ექსპერტებმა მრეწველობასა და მთავრობაში ჩამოაყალიბეს ახალი ჯგუფი წყალბადსა და აკუმულატორებზე მომუშავე თვითმფრინავების გაუმჯობესებაზე სამუშაოდ.

ნულოვანი გამონაბოლქვის მქონე ფრენების (ZEF) უზრუნველყოფის ჯგუფი მხარს დაუჭერს ნულოვანი ემისიის თვითმფრინავებისა და აეროპორტის ინფრასტრუქტურის შემუშავებას.

ის ასევე განიხილავს იურიდიულ ცვლილებებს, რომელთა შეტანაც აუცილებელია „მწვანე ავიაციის“ უზრუნველსაყოფად და მიზნად ისახავს დიდი ბრიტანეთის ლიდერად ქცევას მდგრადი ფრენების სფეროში.

„Jet Zero”-ს საბჭოს მეხუთე სხდომაზე საუბრისას ტრანსპორტის მინისტრმა

გრანტ შაპსმა განაცხადა: „პირველი რეაქტიული ძრავის დიდ ბრიტანეთში

შექმნის შემდეგ ბრიტანეთი ფრენების სფეროში ნამდვილად მსოფლიო ლიდერია. ჩვენ გადაწყვეტილი გვაქვს, მოვახდინოთ რევოლუცია ფრენებში და გვსურს, ყველას ჰქონდეს შესაძლებლობა, იფრინოს დანაშაულის გრძნობის გარეშე“.

„ჩვენ გადაწყვეტილი გვაქვს, წამოვწიოთ მომავლის ფრენის ტექნოლოგია და ახალი ჯგუფის მეშვეობით ხელს შევუწყობთ ათასობით სამუშაო ადგილის შექმნას ქვეყნის მასშტაბით და ნულოვანი ემისიის ფრენებისკენ კიდევ ერთ ნაბიჯს გადავდგამთ“.

ნულოვანი ემისიის ფრენების უზრუნველყოფის ჯგუფს უხელმძღვანელებს სამხედრო და კომერციულ ავიაციაში (მათ შორის კერძო და საჯარო სექტორში) 20 წელზე მეტი გამოცდილების მქონე ექსპერტი რეიჩელ გარდნერ-პული.

ჯგუფი დაეყრდნობა საჰაერო-კოსმოსური ტექნოლოგიების ინსტიტუტის (ATI) “FlyZero” პროექტს, რომელიც 2030 წლისთვის ნულოვანი ემისიის ავიაციის შექმნას ისახავს მიზნად.

ნულოვანი ემისიის ფრენების უზრუნველყოფის ჯგუფის თავმჯდომარემ რეიჩელ გარდნერ-პულმა თქვა: „გატაცებული ვარ ინოვაციებისა და ტექნოლოგიების გამოყენებით ჩვენს პლანეტაზე დადებითი გავლენის შესაქმნელად და მოუთმენლად ველი იმ გამოწვევებსა და შესაძლებლობებს, რომელიც ამ რთულ გზაზე გველოდება.

მთავრობა საჰაერო-კოსმოსურ კვლევაში ATI პროგრამის ფარგლებში მომდევნო 3 წლის განმავლობაში 365 მილიონი ფუნტის ინვესტიციას განახორციელებს“.

„გარდა ამისა, მთავრობა გამოყოფს 125 მილიონ ფუნტ სტერლინგს (175 მილიონ ფუნტ სტერლინგთან ერთად) „Innovate UK’s Future Flight Challenge» კონკურსის  მხარდასაჭერად. მალე კონკურსის ფარგლებში გამოცხადდება პროექტები, მათ შორის ელექტროფრენების ტექნოლოგიების განვითარებაზე მომუშავე, რომლებიც მხარს დაუჭერს სუბრეგიონალური თვითმფრინავების ექსპლუატაციას და დაეხმარება დიდ ბრიტანეთს ნულოვანი ემისიის მიზნის მიღწევაში“.

სტატიაზე მუშაობდა : ანუკი კვეკვესქირი

წყარო : airqualitynews.com