სოფლის ჰაერის დაბინძურება შესაძლოა, ისეთივე საზიანო იყოს, როგორიც ურბანული

• შეერთებული შტატების ჰაერის ხარისხის კვლევის მიხედვით, შუა დასავლეთში მომაკვდინებელი 5-ის გავლენა ადამიანების ჯანმრთელობაზე შესაძლოა, ისეთივე საზიანო იყოს ქალაქგარეთ მცხოვრებთათვის, როგორც მცირე და დიდ ქალაქებში
• საზაფხულო-სასოფლო აქტივობებს შეუძლია, წარმოქმნას PM2.5 ნაწილაკები, რომლებიც ისეთივე ტოქსიკურია, როგორიც ურბანულ ტერიტორიებზე
• შუა აღმოსავლეთისა და ჩრდილოეთ აფრიკის რეგიონი (MENA) ჰაერის დაბინძურების გამო ყოველწლიურად 141 მილიარდ დოლარს კარგავს

ქიმიური რეაქტიულობა, სეზონურობა და წვრილი ნაწილაკების გავრცელება, ამ ფაქტორების ცოდნა გადამწყვეტია ადამიანის ჯანმრთელობაზე დაბინძურების გავლენის გასარკვევად, რაც მიუთითებს მთავრობის მარეგულირებელი ძალისხმევის ფოკუსის შეცვლის აუცილებლობაზე.

შეერთებული შტატების ჰაერის ხარისხის კვლევის მიხედვით, შუა დასავლეთში მომაკვდინებელი PM2.5-ის გავლენა ადამიანების ჯანმრთელობაზე შესაძლოა, ისეთივე საზიანო იყოს ქალაქგარეთ მცხოვრებთათვის, როგორც მცირე და დიდ ქალაქებში.

ილინოისის უნივერსიტეტის ახალი კვლევის მიხედვით, უჯრედის ჟანგვითი პოტენციალის უგულებელყოფის გამო ბევრ პოლიტიკოსს, მათ შორის აშშ-ს გარემოს დაცვის სააგენტოს (EPA), შესაძლოა, გამორჩეს, თუ რამდენად საშიში ჰაერია იმ ადგილებში, რომლებიც ჩვეულებრივ უსაფრთხოდ მიიჩნეოდა.

„უჯრედის ჟანგვითი პოტენციალი აღწერს მცირე ნაწილაკების შესაძლებლობას, წარმოქმნას რეაქტიული, ჟანგბადზე დაფუძნებული ქიმიკატები, რომელთაც შეუძლიათ, შექმნან ჯანმრთელობასთან დაკავშირებული სხვადასხვა პრობლემა ფილტვის ქსოვილის უჯრედებში“, – განაცხადა სამოქალაქო და გარემოს დაცვის ინჟინერიის პროფესორმა ვიშალ ვერმა. ის უძღვებოდა აღნიშნულ კვლევას, რომელიც აკვირდებოდა სამ ურბანულ ადგილს – ჩიკაგო, ინდიანაპოლისი და სენტ-ლუისი; იმავდროულად აკვირდებოდა ერთ სასოფლო ადგილს ბონდვილში (ილინოისი) და გზისპირა ზოლს გადატვირთული შტატთაშორისი ავტომაგისტრალის წინ.

„სასოფლო ტერიტორიის სინჯებს ნაკლები მასა ჰქონდა, ვიდრე ურბანული გარემოსას, მაგრამ ჟანგვითი პოტენციალი ურბანული გარემოს სინჯების ტოლი იყო“, – თქვა ვერმა. „გარდა ამისა, სასოფლო ადგილების სინჯების ჟანგვითი პოტენციალი უფრო მაღალი იყო ზაფხულში, ვიდრე ზამთარში. შეგვიძლია, დავასკვნათ, რომ საზაფხულო-სასოფლო აქტივობებს შეუძლია, წარმოქმნას PM2.5 ნაწილაკები, რომლებიც ისეთივე ტოქსიკურია, როგორიც ურბანულ ტერიტორიებზე“.

ამ საკითხთან დაკავშირებული სიახლეების მიხედვით, შუა აღმოსავლეთისა და ჩრდილოეთ აფრიკის რეგიონი (MENA) ჰაერის დაბინძურების გამო ყოველწლიურად 141 მილიარდ დოლარს კარგავს.

სტატიაზე მუშაობდა : ანა კვეკვესკირი

წყარო : airqualitynews.com