უკრაინა და ევროკავშირი კლიმატის ცვლილებასთან საბრძოლველად 3 მილიარდი ხის დარგვას აპირებენ, მაგრამ რამდენად საკმარისია ეს?
- უკრაინის პრეზიდენტმა, ვოლოდიმირ ზელენსკიმ, საზოგადოებას ამბიციური გეგმების შესახებ აუწყა. პრეზიდენტის გადაწყვეტილებით, სამი წლის განმავლობაში მთელი ქვეყნის მასშტაბით დაირგვება მილიარდი ხე.
- ევროკავშირის 27 წევრ ქვეყანასთან ერთად უკრაინა იმედოვნებს, რომ მომდევნო ათწლეულის განმავლობაში, დაახლოებით სამი მილიარდი ხე დაირგვება.
- ზოგიერთი მეცნიერის აზრით, ამ არარელური გეგმის განხორციელება შეუძლებელია.
- 2019 წელს შვეიცარიელი მეცნიერების მიერ ჩატარებულმა კვლევამ აჩვენა, რომ გლობალურ დათბობასთან ბრძოლის ყველაზე ეფექტური გზა ტრილიონზე მეტი ხის დარგვაა.
უკრაინის პრეზიდენტმა ვოლოდიმირ ზელენსკიმ საზოგადოებას აუწყა, რომ გეგმავს ქვეყნის მასშტაბით სამი მილიარდი ხის დარგვას. ეს ინფორმაცია გაჟღერდა მას შემდეგ, რაც გლაზგოში გამართულ COP 26 სამიტზე კლიმატის მოლაპარაკებები დასრულდა.
ევროკავშირის 27 წევრ ქვეყანასთან ერთად უკრაინა იმედოვნებს, რომ მომდევნო ათწლეულის განმავლობაში, დაახლოებით სამი მილიარდი ხე დაირგვება, რაც „პლანეტის ფილტვების“ აღდგენას შეუწყობს ხელს.
ხეები ბუნებრივად შთანთქავენ ნახშირორჟანგს, ასევე წიაღისეული (ნავთობი და ქვანახშირი) წვავისას წარმოქმნილ სათბურ გაზებს. მეცნიერების მტკიცებულებით, ტყის მასივები წარმოადგენენ ნახშირბადის მშთანთქავ უზარმაზარ რეზერვუარებს.
უახლოეს სამ წელიწადში, იგეგმება ათზე მეტი თანამედროვე სანერგე მეურნეობის აშენება უკრაინაში.
ქვეყნის ჩრდილოეთით (ჟიტიმორის რეგიონი) მცხოვრები მოსახლეობა კლიმატის ცვლილების წინააღმდეგ მასიურად აშენებს მერქნიანი ხეების პატარა ნერგებს.
„ევროპა აპირებს სამი მილიარდი ხის დარგავს სამ წელიწადში, ჩვენი გეგმა კი – იგივე დროში მილიარდი ხის დარგვაა,“ – განაცხადა იური ბოლოხოვეციმ, სახელმწიფო სატყეო სააგენტოს ხელმძღვანელმა.
ზოგიერთი მეცნიერის აზრით, ამ გეგმის განხორციელება შეუძლებელია.
„პრეზიდენტის მიერ შემოთავაზებული გეგმა აბსოლუტურად არარეალურია, თუ კი გავითვალისწინებთ სივრცის და დროის ფაქტორებს,“ – ამტკიცებს უკრაინელი ბუნების დაცვისა და ბიომრავალფეროვნების ექსპერტი ბოჰდან პროტსი.
„ეს ნიშნავს, რომ წამში 10 ხე და 200 ნერგი უნდა დაირგოს, რაც ტექნიკური თვალსაზრისით სრულიად შეუძლებელია,“ – დასძინა მან.
უკრაინა სიდიდით მეორე ქვეყანაა კონტინენტზე რუსეთის შემდეგ, 600 000 კვადრატულ კილომეტრზე მეტი ფართობით.
უკრაინაში ტყის მასივები დაახლოებით, მთლიანი ტერიტორიის 16 პროცენტს იკავებს. კლიმატის ცვლილებებთან საბრძოლველად კი სამი-ოთხი პროცენტით მეტია საჭირო.
კლიმატის ცვლილებებით გამოწვეულ შედეგებზე უკვე საუბრობენ დასავლეთ უკრაინის მეტყევეები. მათი თქმით: ტემპერატურის მატება და მიწისქვეშა წყლების სიმწირე იწვევს ევროპული ფიჭვების (კარპატების მთებში ყველაზე გავრცელებული ხის) გახმობას.
“ჩემი აზრით, გლობალური დათბობა არის ევროპული ფიჭვის გახმობის მთავარი მიზეზი”, – აღნიშნა ვასილ დმიტრიევმა, უკრაინის სატყეო განყოფილების ხელმძღვანელმა.
2019 წელს შვეიცარიელი მეცნიერების მიერ ჩატარებულმა კვლევამ აჩვენა, რომ გლობალურ დათბობასთან ბრძოლის ყველაზე ეფექტური გზა ტრილიონზე მეტი ხის დარგვაა.
კვლევის დროს მოხდა გამოთვლა, რომ ამ ახალ ხეებს შეეძლებათ ატმოსფეროდან 830 მილიარდი ტონა ნახშირორჟანგის შთანთქმა მომდევნო ათწლეულის განმავლობაში – ეს კი ბოლო 25 წლის მანძილზე ადამიანის მიერ წარმოქმნილი ნახშირბადის დაბინძურების მთლიანი მასის ექვივალენტია.
სტატიაზე მუშაობდა : მაია ბურდული და ანა ახალაძე
წყარო : www.euronews.com