გაეროს ბავშვთა ფონდის (იუნიცეფი) ანგარიშის მიხედვით, 1 მილიარდი ბავშვი კლიმატის ცვლილების გავლენის „უკიდურესად დიდი“ საფრთხეშია

• მილიონობით ბავშვს ემუქრება ზღვისპირა წყალდიდობები, ტრანსმისიული დაავადებები, ანომალური სიცხე და წყლის დეფიციტი. თუმცა ყველაზე მეტად საგანგაშო ის არის, რომ მილიარდი ბავშვი ჰაერის ძლიერი დაბინძურების საფრთხეშია.
• ყველაზე მეტად ბავშვის ჯანმრთელობას GHGs – სათბური აირები – აზიანებენ, რისი სიჭარბეც პირდაპირ კლიმატური ცვლილების დამსახურებაა.
• არცერთი ბავშვია გლობალურ დათბობაში დამნაშავე, მაგრამ სწორედ მათ მოუწევთ ყველაზე დიდი ხარკის გადახდა.

გაეროს ბავშვთა ფონდის (UNICEF-ის) მიერ გამოქვეყნებული ახალი ანგარიშის თანახმად,  1 მილიარდი ბავშვი – ბავშვთა მსოფლიო პოპულაციის თითქმის ნახევარი –  კლიმატის ცვლილების გავლენის „უკიდურეს“ საფრთხეშია.

ბავშვთა კლიმატური რისკის ინდექსი (CCRI) ბავშვებზე კლიმატური რისკის პირველი სრულფასოვანი ანალიზია და კლიმატური „შოკების“ ზეგავლენის მიხედვით ქვეყნების რეიტინგს ადგენს. ამაში მოიაზრება ციკლონები და ანომალური სიცხის პერიოდები, კლიმატის ცვლილებით დაჩქარებული ზოგიერთი სტიქიური უბედურება.

“წარმოუდგენლად საშინელი” სურათი

ანგარიში ცხადყოფს, რომ მილიონობით ბავშვს ემუქრება ზღვისპირა წყალდიდობები, ტრანსმისიული დაავადებები, ანომალური სიცხე და წყლის დეფიციტი. თუმცა ყველაზე საგანგაშო ის არის, რომ მილიარდი ბავშვი ჰაერის ძლიერი დაბინძურების საფრთხეშია.

უფრო მეტიც, დაახლოებით 850 მილიონი ბავშვი, ანუ მსოფლიოში ყოველი მესამე, ისეთ რეგიონში ცხოვრობს, სადაც, სულ მცირე, 4 „ეკოლოგიური შოკის“ ზედდება ხდება.

აგრეთვე, გამოვლინდა შეუსაბამობა იმ ადგილებს შორის, სადაც სათბური აირების (GHGs) გენერირება ხდება და სადაც ბავშვები „ყველაზე მნიშვნელოვან“ კლიმატის ცვლილებას განიცდიან.

კლიმატის კრიზისი

ჰენრიეტა ფორი იუნიცეფის აღმასრულებელი დირექტორია.  თავის განცხადებაში მან აღნიშნა: „სამი წელია, ბავშვებმა მთელ მსოფლიოში ხმა აიმაღლეს და მოქმედებას ითხოვენ.

იუნიცეფი მათ მოთხოვნებს ცვლილებების შესახებ მხარს უჭერს უდავო გზავნილით – კლიმატის კრიზისი ბავშვთა უფლებების კრიზისია.

“…კლიმატის ცვლილება მეტად უსამართლო რამაა. არცერთი ბავშვია გლობალურ დათბობაში დამნაშავე, მაგრამ სწორედ მათ მოუწევთ ყველაზე დიდი ხარკის გადახდა. ბავშვები, ყველაზე ნაკლებად დამნაშავე ქვეყნებიდან, ყველაზე მეტად დაზარალდებიან.“

სტატიაზე მუშაობდა : ნათია კურტანიძე და ნატო სლეპაკოვა

წყარო : plantbasednews.org