თხები ნიუ-იორკის პარკებში ბრუნდებიან გარემოს მავნე მცენარეებისგან გასაწმენდად

• პროექტი ორგანიზებულია რივერსაიდის პარკის ადმინისტრაციის მიერ და პირველად იგი 2019 წელს ჩატარდა.
• თხები პარკის მიუვალ და რთულად მოსავლელ ტერიტორიებზე მავნე მცენარეებს, მათ შორის შხმიან სუროს, ანადგურებენ.
• თხების პარკში მოყვანა ასევე ამცირებს ჰერბიციდების გამოყენების საჭიროებას, რაც ეკოლოგიის დაცვისკენ მიმართული კიდევ ერთი ნაბიჯია.

ოცზე მეტი თხა ნიუ-იორკის პარკში კიდევ ერთხელ დაბრუნდება ყოველწლიური ,,თხების რბოლისთვის“, რომელიც მწვანე სივრცის მავნე მცენარეებისგან გაწმენდას ემსახურება.

პროექტი ორგანიზებულია რივერსაიდის პარკის ადმინისტრაციის მიერ და პირველად იგი 2019 წელს ჩატარდა. თხებს საშუალება ჰქონდათ ეჭამათ პარკის ტერიტორიაზე რაც მოესურვებოდათ, მათ შორის მავნე მცენარეებიც. თხებიც და პარკის სტუმრებიც ძალიან კმაყოფილნი დარჩნენ.

პარკის ადმინისტრაცია მუდმივად ცდილობდა გაეკონტროლებინა ბუნებისთვის მავნე მცენარეების გავრცელება, განსაკუთრებით კი შხამიან სუროს ებრძოდა. თხები პარკს ამ პროცესის წარმართვაში დაეხმარნენ, შხამიანი სუროც კი მათთვის არ არის მავნებელი, რადგან მათ ალერგენებისადმი იმუნიტეტი აქვთ.

,,პარკში საკმაოდ ციცაბო კლდეებია, რომელთას მოვლაც რთულია. ჩვენ გვყავს მოხალისეები, რომლებიც ამ სივრცეებს უვლიან, თუმცა გაწმენდილი ტერიტორია 3 კვირაში ისევ მავნე მცენარეებით იფარება. ჩვენ მივხვდით, რომ უფრო ეფექტური გამოსავალის მოძებნა იყო საჭირო, შემდეგ კი თხების მოყვანის იდეა გაჩნდა“, – ამბობს ლინდა თაუერი, რივერსაიდის პარკის ადამინისტრაციის წარმომადგენელი.

თხების პარკში მოყვანა ასევე ამცირებს ჰერბიციდების გამოყენების საჭიროებას, რაც ეკოლოგიის დაცვისკენ მიმართული კიდევ ერთი ნაბიჯია.

პარკის სტუმრებმა შეასრულეს სიმღერა ,,The Lonely Goatherd”, როდესაც თხებმა რივერსაიდის პარკში წელს პირველად შეაბიჯეს. 24 თხიდან უმეტესობამ პარკი იმავე დღეს დატოვა, ხოლო 5 თხა ექვსი კვირის განმავლობაში დარჩა პარკის ტერიტორიაზე.

ნიუ-იორკელებს შეუძლიათ ხმა მიცემაში ჩაერთონ ამ წლის გამარჯვებული თხის ასარჩევად. ,,ზაფხულის ბოლოს 5 ფინალისტი თხიდან გამარჯვებულ გამოვლინდება“, – აცხადებს რივერსაიდის პარკის აღმასრულებელი დირექტორი დენ გაროდნიკი. იგი ურჩევს თანამოქალაქეებს, რომ ხმის მიცემამდე მოინახულონ თხები პარკში და ყურადღება მიაქციონ

რივერსაიდის პარკის ინტერნეტ პლატფორმებს.

სტატიაზე მუშაობდა : ნინი თოიძე

წყარო : www.ecowatch.com