რა ხდება მაშინ, როცა პლასტმასის კონტეინერიდან მივირთმევთ?
- მუყაოს ყუთები, შეფუთვა, წყლის ბოთლები და თუნუქის ქილებიც კი შეიძლება ძალიან დიდი საფრთხის შემცველი იყოს.
- პლასტმასი უამრავი ისეთი ნივთიერებისგან შედგება, რომლებიც იწვევს იმუნიტეტის დაქვეითებას, სიმსივნეს, გონებრივ ჩამორჩენილობას ბავშვებში და ა.შ.
წყლის მიღება ყველა ადამიანისთვის აუცილებელი და სასიამოვნოა, თუმცა რა ხდება მაშინ, როცა მთელი დღის განმავლობაში პლასტმასის ბოთლით დავდივართ, რათა არ დაგვავიწყდეს წყლის საჭირო დოზის დალევა? ამ გზით ჩვენ მივიღებთ ზედმეტ, არასაჭირო პლასტმასის დოზას და ეს ყველაფერი არაა.
მუყაოს ყუთები, შეფუთვა, წყლის ბოთლები და თუნუქის ქილებიც კი შეიძლება ძალიან დიდი საფრთხის შემცველი იყოს. მიუხედავად იმისა, რომ ბევრ ჩვენგანს აღარ იზიდავს პლასტმასის გამოყენება, ჩვენ მაინც მხრებს ვიჩეჩავთ და მშვიდად ვდებთ კონტეინერს მიკროტალღურ ღუმელში.
წარმოგიდგენთ 4 მიზეზს, რატომაც არ უნდა დალიოთ ან ჭამოთ პლასტმასის შეფუთვიდან:
- პლასტმასი კონტეინერებიდან ჩვენს საკვებში გადადის.
კვლევის თანახმად, ადამიანი წელიწადში მიკროპლასტიკის მინიმუმ 74000 ნაწილას იღებს. ამ რიცხვის უმეტესობა მოდის ე.წ. „წასაღებ“ კონტეინერებზე.
ამ მიკროპლასტიკის 30% ჩვენს საკვებში გადადის, საიდანაც შემდეგ ჩვენს ორგანიმზში ხვდება.
თუ მაინც გჭირდებათ საჭმლის „გატანა“, არ გამოიყენოთ კონტეინერები! მიმართეთ შუშის ან ფაიფურის ჭურჭელი. უმეტეს შემთხვევაში ისინი, ვინც ამბობენ, რომ კონტეინერების მრავალჯერადი მოხმარება, რეცხვა, მიკროტალღურ ღუმელში ჩადება უსაფრთხოა, უბრალოდ ამ სფეროში ჩართული ბიზნესმენები და მეწარმეები არიან და მათი სიტყვა შეიძლება არც ისე სანდო იყოს.
ყურადსაღებია, რომ რაც უფრო მაღალია ტემპერატურა, მით უფრო საშიშია პლასტმასის სათავსოების მოხმარება, რადგან კვლევების თანახმად, სიცხეში პლასტმასს უფრო მეტი ქიმიკატი უჩნდება, ვიდრე უფრო დაბალ ტემპერატურაზე.
- მიკროპლასტიკი ცუდია ადამიანებისთვის
შეიძლება ფიქრობთ, რომ პლასტმასის ქიმიკატები ისევე მარტივად დატოვებს ჩვენს ორგანიზმს, როგორც შედის, თუმცა ეს, სამწუხაროდ, ასე არაა.
მეცნიერებმა აღმოაჩინეს, რომ მიკროპლასტიკს შეუძლია, გაარღვიოს ის მემბრანული სივრცე, რომელიც იცავს ჩვენს ტვინს უცხო სხეულებისგან. ასევე დედას შეუძლია გადასდოს ეს ქიმიკატი პლაცენტიდან ნაყოფს. ამან შეიძლება გამოიწვიოს ხანგრძლივი ჯანმრთელობის პრობლემები, რაც გამოიხატება ჰორმონალურ დარღვევებში ან სხვა პრობლემებში. სწორედ ამის გამო 2008 წელს ზოგ სახელმწიფოში აიკრძალა მიკროპლასტიკატის გამოყენება სათამაშოებსა და ბოთლებში.
- არ არსებობს ცნება – უსაფრთხო პლასტმასი
პლასტმასი უამრავი ისეთი ნივთიერებისგან შედგება, რომლებიც იწვევს იმუნიტეტის დაქვეითებას, სიმსივნეს, გონებრივ ჩამორჩენილობას ბავშვებში და ა.შ.
შესაძლოა მაღაზიაში შენიშნოთ პლასტმასის ნივთი, რომელსაც ეწერება, რომ უსაფრთხოა, თუმცა ხშირად ერთ რომელიმე მავნე ნივთიერებას სხვა მავნე ნივთიერებით ანაცვლებენ, ამიტომ არასდროს ენდოთ მსგავს წარწერას!
- ასეთი კონტეინერები საზიანოა გარემოსთვისაც
პლასტმასის ნივთების მოხმარებით ჩვენ მნიშვნელოვნად ვაზიანებთ გარემოს. 1950-იანების შემდეგ (როცა პლასტმასის აქტიური გამოყენება დაიწყო) დამზადდა 8 მილიარდ ტონაზე მეტი პლასტმასის ნივთი და აქედან მხოლოდ 10% გადამუშავდა.
ჩვენ გარშემო იმდენი პლასტმასია, რომ ჩვენ ვისუნთქავთ ათობით ათას პლასტმასის ნაწილაკს. პლასტმასია ასევე მდინარეებში, ოკეანეებში – არა მხოლოდ ვიზუალურ ნარჩენებში. სამწუხაროა. რომ ამ პრობლემას გადამუშავებაც კი ვერ აგვარებს: ამ გზით ქიმიკატები ერთი ნივთიდან მეორეში გადავა. ამიტომ ერთადერთი გამოსავალი პლასტმასის გამოყენების შეწყვეტაა.
წარმოგიდგენთ რამდენიმე გზას, თუ როგორ შეგიძლიათ თავი აარიდოთ პლასტმასის მოხმარებას:
- დალიეთ მხოლოდ შუშის ან უჟანგავი ფოლადი ბოთლებიდან
- საჭმლის თან ტარებისას გამოიყენეთ შუშის ან კერამიკული ჭურჭელი
- არ ჩადოთ პლასტმასის ჭურჭელი მიკრო ტალღურ ღუმელში ან ჭურჭლის სარეცხ მანქანაში
- დაასუფთავეთ თქვენი სახლი რეგულარულად.
სტატიაზე მუშაობდა : დეა კუსიანი
წყარო : www.ecowatch.com