ძლიერი სიცხის შედეგად Pacific Northwest-ის რეგიონში სადენებისა და გზების დნობა დაიწყო.
- ვაშინგტონში, ორეგონში ბრითიშ კოლუმბიასა და სხვა ადგილებში სიცხის ყველა დროის რეკორდი სამმა დღემ ერთმანეთის მიყოლებით მოხსნა
- პორტლანდში საბაგირო და ტრამვაის ტიპის სისტემებით გადაადგილება შეჩერებული იყო, რადგან ელექტრომომარაგების ქსელები იჭიმებოდა და ხშირ შემთხვევაში მზეში დნებოდა
- რეგიონში მაღალი ტემპერატურის გამო გზებმა, ასფალტისა და ბეტონის გავრცობა-გახლეჩის შედეგად, ფორმა იცვალა
ძლიერი სიცხის შედეგად Pacific Northwest-ის რეგიონში სადენებისა და გზების დნობა დაიწყო.
მორიგი დღე, მორიგი რეკორდულად მაღალი, აქამდე უნახავი ტემპერატურის კასკადა Pacific Northwest-ში მესამე დღესაც გაგრძელდა.
ვაშინგტონში, ორეგონში, ბრითიშ კოლუმბიასა და სხვა ადგილებში სიცხის ყველა დროის რეკორდი სამმა დღემ ერთმანეთის მიყოლებით მოხსნა: პორტლანდში ორშაბათს შუადღეს სიცხემ 116 ფარენჰეიტს მიაღწია, რითიც კვირა დღის 112 გრადუსის რეკორდი გააცამტვერა, რომელიც ასევე ისტორიული ნახტომი იყო 1981 წლის აგვისტოს 107 გრადუსიდან.
სიეტლის აეროპორტში ტემპერატურა 108 გრადუსზე გაიზომა, რითიც კვირა დღის 104 გრადუსს გადაუსწრო. ექსტრაორდინალური 72 საათიანი სიცხის შედეგები ორშაბათს დრამატული იყო. პორტლანდში საბაგირო და ტრამვაის ტიპის სისტემებით გადაადგილება შეჩერებული იყო, რადგან ელექტრომომარაგების ქსელები იჭიმებოდა და ხშირ შემთხვევაში მზეში დნებოდა. მულტნომას ოლქმა, სადაც პორტლენდი მდებარეობს, საგანგებო მდგომარეობა გამოაცხადა ტემპერატურის ზრდისა და მოსახლეობის, რომელიც დახმარებას ითხოვს, დასახმარებელი შეხვედრების კუთხით. რეგიონში მაღალი ტემპერატურის გამო გზებმა, ასფალტისა და ბეტონის გავრცობა-გახლეჩის შედეგად, ფორმა იცვალა. სიეტლის პარკების განყოფილებამ დახურა დახურულ სივრცეში არსებული საცურაო აუზი, რადგან შენობაში იქ მისულთათვის ტემპერატურა უსაფრთხო არ იქნებოდა.
სიეტლის სამხრეთით არსებული ამაზონის უკონდინციონერო საწყობში რამდენიმე თანამშრომელი მთელი ორშაბათის განმავლობაში დატოვეს, მიუხედავად იმისა, რომ თანამშრომლების ნაწილი, კვირის განცხადებების ფონზე (განყოფილებები თანამშრომლებს მეტი პროდუქტიულობისათვის აიძულებდნენ საათობრივად მაქსიმალური სამუშაოს შესრულებას) ანაზღაურებით გაუშვეს სახლებში.
ზოგიერთ მაცხოვრებელს, დაახლოებით 30,000-ს ვაშინგტონსა და ორეგონში ორშაბათს საღამოს ელექტროენერგია გაეთიშა. სიცხის ტალღები შეერთებულ შტატებში საშუალოდ სხვა ამინდთან დაკავშირებულ მიზეზებთან შედარებით ყველაზე მეტ ადამიანს კლავს, ხოლო ამის გახშირება და გამწვავება კლიმატის ცვლილებასთან ერთად მოსალოდნელია. „ამას არ უნდა შევეწიროთ“, უთხრა ვაშინგტონის გამგებელმა ჯეი ინსლიმ MSNBC-ს. „ეს ხანგრძლივი საგანგებო მდგომარეობის დასაწყისია… ჩვენ უნდა გადავჭრათ ამ პრობლემის, კლიმატის ცვლილების წყარო.“
სტატიაზე მუშაობდა : გიორგი შაქარაშვილი და ვალერი გელოვანი
წყარო : www.ecowatch.com