დააკავეს კაცი, რომელმაც მდინარეში ბოთლები გადაყარა
სამართალდამცველებმა დააკავეს კაცი, რომელიც ბოლნისში მდინარე ქციაში გამიზნულად ყრიდა პოლიეთილენის ბოთლებს.
როგორც შს განცხადებაში ვკითხულობთ, კაცი წყლის დაბინძურების ბრალდებითაა დაკავებული, გამოძიება საქართველოს სისხლის სამართლის კოდექსის 292-ე მუხლით მიმდინარეობს. დანაშაული ერთ წლამდე ვადით თავისუფლების აღკვეთას ითვალისწინებს.
უკვე რამდენიმე დღეა ვირუსულად ვრცელდება ვიდეო, სადაც ჩანს, თუ როგორ ყრიან უცნობი პირები მდინარეში ასობით პოლიეთილენის ბოთლებს.