შოტლანდიის ენერგეტიკული ქსელების კომპანია ეძებს მსურველებს, ვინც მონაწილეობას მიიღებს ელექტრო მანქანების დამტენი საშუალებების დატესტვაში.

ეს კომპანია ცდილობს ხმა მიაწვდინოს რეგიონალურ ბიზნესებს, დეველოპერებს და ელ. მანქანების დამტენი წერტილების შემქმნელ კომპანიებს, რომლებიც შეძლებენ დაამონტაჟონ ელექტრომანქანების სატენები შოტლანდიის სხვადასხვა ქალაქებში.

საცდელი ეტაპი შეაფასებს “ჭკვიანი დამუხტვის კავშირების” მუშაობას, რომელსაც  შეუძლია გააკონტროლოს ელექტროენერგიის  მოხმარების სიხშირე და სიმძაფრე.

”ყოვლისმომცველი ელექტრონული დამუხტვის ინფრასტრუქტურის შექმნა სასიცოცხლოდ მნიშვნელოვანია ჩვენი საზოგადოებისთვის ნულოვანი ნახშირბადის გამომუშავების მისაღწევად და იგი მთავარ როლს თამაშობს  COVID-19-ის შემდგომი ” მწვანე ეკონომიკის აღდგენის ” გეგმაში, – თქვა პროექტის ხელმძღვანელმა ჯეფ მერფმა.

ამის განსახორციელებლად, ჩვენ უსაფრთხოდ და ეფექტურად უნდა მოვახერხოთ ელექტროენერგიაზე გაზრდილი მოთხოვნის დარეგულირება, რასაც დიდი რაოდენობით ელექტრომანქანების დატენვა გამოიწვევს. ჩვენ მიგვაჩნია, რომ ჭკვიანი დატენვის წერტილები, მნიშვნელოვანი ნაწილია ჩვენს გეგმაში – ამ საცდელი პერიოდის შედეგები კი დაგვეხმარება, გავიგოთ როგორ იმუშავებს ელექტრომანქანების სქემა რეალურ ცხოვრებაში.

დოქტორმა გრემ ოულტმა, „Smarter Grid Solutions“- ის აღმასრულებელმა დირექტორმა, თქვა: ”თუ დიდი ბრიტანეთი გეგმავს „მწვანე მომავლის“ ქონას, საჭიროა ელექტრომანქანების მფლობელებისთვის დასატენი წერტილების დრამატული ზრდა. სხვადასხვა კომპანიას შეიძლება ადრე შეჩერებული ჰქონდა  სატენი წერტილების დაყენების პროცესი, რადგან ის გადაჭარბებულ ხარჯებს მოითხოვდა ან სადისტრიბუციო ქსელის პრობლემები იქმნებოდა, მაგრამ ახლა ჭკვიანი დატენვის კავშირის ტექნოლოგია დაეხმარებათ მათ ამ პრობლემების მოგვარებაში.

აგრეთვე,მნიშვნელოვანია ელექტრომანქანების დატენვის პროექტმა როგორც ეკოლოგიური, ასევე ეკონომიკური ბენეფიტები მოიტანოს.

სტატიაზე იმუშავა : სოფო წერეთელი – სალომე აბუაშვილი