2020 წელს „სოლარისი“ ერთ-ერთი წამყვანი კომპანიაა ელექტრო-ელემენტებზე მომუშავე ავტობუსების ბაზარზე.
„სოლარის“-მა 2020 წლის იანვრიდან სექტემბრამდე 242 ელექტრო-ავტობუსი დაარეგისტრირა ბაზარზე (რაც ბაზრის 23%-ზე მეტს შეადგენს), იგი ერთ-ერთი წამყვანი კომპანიაა ელექტროავტობუსების დასავლეთ ევროპისა და პოლონეთის ბაზარზეც.
„სოლარის“-ის გარდა, კიდევ 4 (VDL, BYD, ADL, The Dutch company) კომპანიაა ელექტროავტობუსების ბაზარზე, აქედან ერთ-ერთი ჰოლანდიური კომპანიაა, რომელიც 2012 წლიდან აწარმოებს ელექტროავტობუსებს და 2012-2020 წლებში უკვე 770 მსგავსი ავტობუსი ჰყავთ.მონაცემები მოძიებული და დათვლილია საკონსულტაციო კომპანია “Chatrou-CME Solutions”-ის მიერ.
წინა წელთან შედარებით, სოლარისმა საკმაოდ დიდი ნახტომი გააკეთა და ბევრად მეტი ელექტროავტობუსი აწარმოა. ასევე, ამ კუთხით დადებითი ცვლილებებია ნიდერლანდებსა და დიდ ბრიტანეთში, 2019 წელთან შედარებით კიდევ უფრო მეტი ელექტროავტობუსი გამოუშვეს და დაარეგისტრირეს.
კორონა ვირუსით გამოწვეული კრიზისი და 2021 წელი
მოსალოდნელია, რომ პანდემიით გამოწვეული კრიზისი უარყოფით გავლენას იქონიებს 2021 წელზე, რადგან უკვე ამ დროისთვის რამოდენიმე ტენდერი არის გაუქმებული ან გადავადებული გაურკვეველი დროით. როგორც „Ebusco”-ს აღმასრულებელმა დირექტორმა პიტერ ბიჯველდსმა ახსენა ინტერვიუში, პანდემიას ცუდი გავლენა ექნება ეკო-მეგობრულ ელექტროავტობუსებზე.
2019 წელს რეკორდული მაჩვენებელი დაფიქსირდა ელექტროავტობუსების წარმოებისა და გამოყენების. ამ წელს რეგისტრირებული ავტობუსების, დაახლოებით 12% შეადგენდა ელექტროავტობუსებს, ეს რაოდენობა 2012 წლიდან 2018 წლამდე დარეგისტრირებული ელექტროავტობუსების რაოდენობაზე გაცილებით მეტი იყო. 2018 წლიდან 2019 წლამდე კი ნული ემისიის მქონე ავტობუსების (და ტროლეიბუსების) წარმოება/რეგისტრირება ევროპაში გასამმაგდა.
სტატიაზე იმუშავა : სოფო წერეთელი – სალომე აბუაშვილი