გერმანიის დიდ ქალაქებში გამწვანებამ იმატა
სტატისტიკური ანალიზის თანახმად, 1996 წლის შემდეგ, გერმანიის დიდ ქალაქებში გამწვანებამ იმატა. უახლესი მონაცემებით, ერთ ადამიანზე, 25 კვადრატული მეტრი გამწვანებული ტერიტორია მოდის.
ამ კვლევისას, შეისწავლეს გერმანიის 14 დიდი ქალაქის გამწვანება, რამაც ცხადჰყო რომ, 1996–2018 წლებში, ერთ სულ მოსახლეზე, მწვანე ფართობი, საშუალოდ 18-დან 25 კვადრატულ მეტრამდე გაიზარდა. პროცენტული თვალსაზრისით, დასახლებული ტერიტორიის და საგზაო სივრცის გამწვანებული ნაწილი 7.7%-დან 10.9%-მდე გაიზარდა. ეს მოიცავს პარკებს, ბოტანიკურ ბაღებს, სათამაშო მოედნებსა და სკვერებს.
გერმანიის დიდი ქალაქები უფრო მეტად გამწვანებულია, ვიდრე გერმანიის დანარჩენი ტერიტორია.
ეს განვითარება აჩვენებს გამწვანებული სივრცის მზარდ როლს ურბანულ დაგეგმარებაში. პანდემიის პერიოდში, სიმწვანეში გასეირნება, განსაკუთრებით აქტუალური გახდა. დიდი ქალაქების მოსახლეობას, უფრო მეტად სჭირდება საცხოვრებელი ადგილის სიახლოვეს გამწვანებული ადგილები, სადაც სუფთა ჰაერზე დასვენებასა და განტვირთვას შეძლებს. სწორედ ამიტომ, გერმანიისთვის ასეთი განვითარება სტაბილურ ტენდენციად იქცა.
სტატიაზე იმუშავა : მეგი წერეთელი – სალომე აბუაშვილი
წყარო : https://www.tagesschau.de