ჩრდილო-დასავლეთ გრენლანდიის ნახევარსაუკუნოვანი დანაკარგი

• ბოლო 50 წელში, ჩრდილო-დასავლეთ გრენლანდიის სატელიტურ ფოტოებზე, მყინვარების თვალშისაცემი ცვლილებები შეიმჩნევა.
• სატელიტური ფოტოები გადაღებულია „ლენდსეტ 1“-ით (1973 წელს) და „ლენდსეტ 8“-ით (2022 წელს) და მათზე ერთი და იგივე ადგილის თვალსაჩინო ნეგატიური ცვლილება შეიმჩნევა. ეს არის ყინულის საფარის შემცირება.

50-წლიანი სხვაობით გადაღებული სატელიტური ფოტოები თვალშისაცემ ცვლილებებს გვიჩვენებენ ჩრდილო-დასავლეთ გრენლანდიის მყინვარებსა და ყინულის ქუდებზე. ამხელა დროის განმავლობაში, მხოლოდ რამდენიმე სატელიტი იძლევა  ასეთ ნათელ, ცოცხალ ფერებში შედარების საშუალებას.

დედამიწაზე დაკვირვება კოსმოსიდან ამჟამად ჩვეულებრივი ამბავია, თუმცა 1970-იან წლებამდე არცერთი სატელიტი არ გაუშვიათ იმ კონკრეტული მიზნით, რომ ჩვენი პლანეტის ხმელეთს დაკვირვებოდა. ეს მოცემულობა 1972 წელს „ლენდსეტ 1“-ის გაშვებამ შეცვალა.  ლენდსეტის მისია დღესაც გრძელდება, 2021 წლის სექტემბერში „ლენდსეტ 9“-ის გაშვებით.

ჯერჯერობით, ეს გამოსახულები „ლენდსეტის“ ეპოქას მოიცავს  და ავლენს ცვლილებებს ნახევარკუნძულზე ტულეს საჰაერო ბაზის ჩრდილოეთით (პიტუფი). 1973 წლის 3 სექტემბერს „ლენდსეტ 1“-ზე არსებულმა „მულტისპექტრული სკანერის სისტემამ“ (MSS) მიიღო პირველი სურათი (მარცხნივ). მეორე სურათზე (მარჯვნივ), რომელიც „ლენდსეტ 8“-ზე 2022 წლის 20 აგვისტოსაა მიღებული, „ოპერაციული მიწის გამოსახულების“ (OLI) მიერ, ნაჩვენებია იგივე ტერიტორია 49 წლის შემდეგ.

სტატიაზე მუშაობდა : ლილი ყვავილაშვილი და მეგი რუსია

წყარო : www.enn.com

19 ოქტომბერი 2022 წელი.