დიდი ბრიტანეთის პირველი ჰიბრიდული მატარებელი ახლა უკვე ოპერატიულია

chiltern Railways-ს მატარებელი, რომელიც საწვავად 20 წელია დიზელს იყენებს, ახლა უკვე ბატარეას მოიხმარს. ეს ბატარეა საშუალებას აძლევს მას, რომ გამოიყენოს 25%-ით ნაკლები საწვავი, რაც მნიშვნელოვნად ამცირებს ჰაერის დაბინძურებას.

მატარებელის CO2 გამონაბოლქვი, ყოველი მგზავრობისას,  25%-ით მცირდება.

„რკინიგზა კიდევ უფრო მწვანე ხდება და Chiltern Railways-ის მიერ ამ უახლესი ჰიბრიდული მატარებლის გაშვება კიდევ ერთი მნიშვნელოვანი ნაბიჯია წინსვლისკენ“ – განაცხადა მთავრობის სარკინიგზო მინისტრმა, ვენდი მორტონმა.

Chiltern Railways, Porterbrook და Rolls-Royce ერთად მუშაობდნენ ამ მატარებლის გარდაქმნაზე, რომელიც ახლა მუშაობს, როგორც დიზელზე, ასევე ბატარეაზე.

ეს არის პირველი ჰიბრიდული მატარებელი,  რომელიც 160.934 კმ/სთ (100 მილი/ სთ) სიჩქარით მოძრაობს და რომელიც მუშაობს დიდი ბრიტანეთის ეროვნულ სარკინიგზო ქსელში.

ყოველი მგზავრობისას მატარებელის CO2 გამონაბოლქვი 25%-ით მცირდება.

HybridFlex მატარებელი არსებითად ამცირებს საწვავის მოხმარებას. ის ამცირებს ხმაურს 75%-მდე სადგურებსა და ქალაქებში. მატარებელი, ასევე, წარმოადგენს სამომავლოდ მომხმარებელთა უფრო სწრაფი მოგზაურობის შესაძლებლობას.

„Chiltern Railways-მა გადაწყვიტა, აწარმოოს რკინიგზა, რომელიც მაქსიმალურად მდგრადი და ეკოლოგიურად სუფთაა.“ – თქვა რიჩარდ ალანმა, Chiltern Railway-ის მმართველმა დირექტორმა.

„ჩვენ ბევრი ვიმუშავეთ, ჩვენს პარტნიორებთან ერთად, რომ მძლავრი ბატარეის ნაკრები მოგვეთავსებინა 20 წლის დიზელის მატარებლის ქვეშ, რათა მატარებელი უფრო სუფთა, ჩუმი და სწრაფი ყოფილიყო. ჩვენ ნამდვილად ვამაყობთ, რომ ამ კონცეფციის მატარებელი ახლა ატარებს მომხმარებლებს და მოუთმენლად ველით მისი მუშაობის შეფასებას ყოველდღიურად.’

HybridFlex მატარებელი თავდაპირველად იმუშავებს Aylesbury-სა და London Marylbone-ს შორის და უახლოეს თვეებში იგეგმება ახალი ტიპის მატარებლის  ოქსფორდში ჩაყვანა Bicester Village მარშრუტით.

სტატიაზე მუშაობდა : ქეთი გობრონიძე

წყარო : airqualitynews.com