CPCB მონაცემები აჩვენებს ჰაერის დაბინძურების ზრდას ალანდურში

• ტამილ ნადუში ჰაერის საერთო ხარისხი გაუმჯობესდა, თუმცა მის ერთ-ერთ უბანში, ალანდურში, დაბინძურების მაჩვენებელი გაიზარდა
• ხანგრძლივი ექსპოზიციის შემთხვევაში, ცუდი ხარისხის ჰაერი ადამიანებს სუნთქვის დიკომფორტს უქმნის
• TNPCB-ის მაღალჩინოსანმა განაცხადა, რომ მონაცემების ასეთი სხვაობა შესაძლოა ალანდურში არსებული ჰაერის გასაზომი აღჭურვილობის გაუმართაობის ბრალია

ჩენაი: მიუხედავად იმისა, რომ მთელ ქალაქში ჰაერის საერთო ხარისხი გაუმჯობესდა, ალანდურში დაბინძურება გაიზარდა,  დაფიქსირდა ნაწილაკების დონე (PM) 2.5, რომელიც ოთხჯერ მეტია დასაშვებ ზღვარზე, რაც ხანგრძლივი ექსპოზიციის შემთხვევაში დისკომფორტზე მიანიშნებს. თუმცა ტამილ ნადუს დაბინძურების კონტროლის საბჭოს (TNPCB) ოფიციალურმა პირებმა განაცხადეს, რომ დაბინძურების გაზრდილი დონე შეიძლება გამოწვეული იყოს აღჭურვილობის გაუმართაობით, რასაც ტექნიკური აღჭურვილობის ნაკლებობა იწვევს.

დაბინძურების კონტროლის ცენტრალური საბჭოს (CPCB) მონაცემებით, ორშაბათს ჰაერის ხარისხის დონე წინა თვესთან შედარებით უკეთესი იყო. PM 2.5 დონე პერუნგუდიში იყო 76 მიკროგრამი/მ3, როიაპურამში – 87 მიკროგრამი/მ3, არუმბაკკამში – 88 მიკროგრამი/მ3, მანალიში – 90 მიკროგრამი/მ3 და კოდუნგაიურში – 93 მიკროგრამი/მ3. მიუხედავად იმისა, რომ პასუხმა გადააჭარბა დასაშვებ დონეს – 60 მიკროგრამს/მ3, ის მაინც დამაკმაყოფილებელ დონეზე იყო.

თუმცა ალანდურის სადგურის მაჩვენებლები მკვეთრად განსხვავდებოდა ამ მაჩვენებლისგან, რომელიც 274 მიკროგრამია/მ3. ეს შეფასებულია ჰაერის ცუდი ხარისხად, რაც გულისხმობს იმას, რომ ხანგრძლივი ექსპოზიციისას ადამიანების უმეტესობას სუნთქვის დისკომფორტი ექმნება. დაბინძურების დონე მაღალი იყო კვირადღესაც  – 249 მიკროგრამი/მ3.

საბოლოოდ, წინა თვესთან შედარებით, ჰაერის ხარისხი გაუმჯობესდა, როდესაც მშრალი ქარის გამო PM 2.5 დონემ 100 მიკროგრამ/მ3-ს გადააჭარბა. მონიტორინგის სადგურებს შორის ყველაზე ცუდი ჰაერი არუმბაკკამში იყო, სადაც დაფიქსირდა 146 მიკროგრამი/მ3, ხოლო მანალის მაჩვენებელი 124 მიკროგრამი/მ3 იყო, პერუნგუდიში – 121 მიკროგრამი/მ3, კოდუნგაიურში – 117 მიკროგრამი/მ3, ხოლო როიაპურამში 95 მიკროგრამი/მ3 – დამაკმაყოფილებელი.

თუმცა TNPCB-ის მაღალჩინოსანმა განაცხადა, რომ ქალაქში დიდი ხნის განმავლობაში არ ყოფილა ცუდი ხარისხის ჰაერი. „აღჭურვილობის გაუმართაობის გამო, ალანდურში დაფიქსირებული მონაცემები შესაძლოა მცდარია. ქალაქის სხვა უბნებში დაბინძურების დონე ნორმალურია. ის „დამაკმაყოფილებელ“ დონეზე დარჩება, რადგანაც მანქანების მოძრაობა გაიზარდა“, – თქვა ოფიციალურმა წარმომადგენელმა და დასძინა, რომ მონაცემი დასაშვებ ზღვარზე დაბლა მხოლოდ სრული ლოქდაუნის შემთხვევაში დაიწევს.

სტატიაზე მუშაობდა : ლიზი ფირცხალაიშვილი და მეგი რუსია