სამხრეთ აფრიკის ესკომს შესაძლოა სასამართლო სხდომა დაენიშნოს, რადგან ჰაერის ხარისხის წარმომადგენელს ცრუ ინფორმაცია მიაწოდა.

• ესკომი სამხრეთ აფრიკის ყველაზე დიდი დამაბინძურებელია. ის სამხრეთ აფრიკაში სათბურის გაზების ორ მეხუთედს გამოჰყოფს.
• კომპანიას უკვე დაენიშნა წინასასამართლო სხდომა, რასაც, სავარაუდოდ, სასამართლოც მოჰყვება. 
• Eskom Holdings SOC Ltd.-ს წაუყენებენ ბრალდებას, რომელიც შეიძლება კლასიფიცირებული იყოს როგორც დანაშაულებრივი ქმედება.

Eskom Holdings SOC Ltd., სამხრეთ აფრიკის ყველაზე დიდმა დამაბინძურებელმა, შესაძლოა 25 მარტს გაარკვიოს, თუ როდის წარსდგება სასამართლოს წინაშე მთავრობის ჰაერის ხარისხის წარმომადგენლისათვის ცრუ ინფორმაციის მიწოდების, კენდალის ქვანახშირზე მომუშავე ელექტროსადგურზე გამონაბოლქვის ლიმიტების გადაჭარბებისთვისა და ატმოსფერული ემისიის ლიცენზიის დარღვევისათვის.

კომპანიის 4,116 მეგავატი სიმძლავრის ობიექტზე, რომელსაც 2018 წლის გაფიცვის დროს  დაბინძურების შესამცირებელი მოწყობილობა დაუზიანდა, დარღვევების სერიები იყო დაფიქსირებული. შედეგად, 2020 წლის ნოემბერში, სახელმწიფოს კომუნალურმა კომპანიამ განაცხადა, რომ Eskom Holdings SOC Ltd.-ს წაუყენებდნენ ბრალდებას, რომელიც შეიძლება კლასიფიცირებული იყოს როგორც დანაშაულებრივი ქმედება.

ამის შემდეგ გარემოს დაცვის დეპარტამენტმა გამოსცა კომპანიის საწინააღმდეგო ბრძანებების სერია,  რაც, ძირითადად, იმ გამონაბოლქვის ნაწილაკების გამოყოფას ეხებოდა, რომელიც რესპირატორულ დაავადებებს იწვევს.

პარასკევს სიკონატი მანტშანშმა, ესკომის სპიკერმა, ტექსტური შეტყობინებით განაცხადა, რომ ესკომს სასამართლო პროცესზე არ მოეთხოვა განცხადების გაკეთება. მოსამართლემ 25 მარტს დანიშნა წინასასამართლო სხდომა, შესაძლოა იმიტომ, რომ დაინიშნოს სასამართლოს თარიღი.

ესკომს ეკუთვნის სამხრეთ აფრიკის სათბურის გაზების გამონაბოლქვის ორი მეხუთედი. ის, ასევე, გამოჰყოფს სხვა სახის დამაბინძურებლებსაც, მათ შორის არის  გოგირდის დიოქსიდიც.

სტატიაზე მუშაობდა : თეონა ქავთარაძე

წყარო : www.bnnbloomberg.ca