აშშ-ის ექვს ქალაქში სასმელ წყალში ,,სამუდამო ქიმიკატების“ შემცველობა დასაშვებ ნორმას აჭარბებს
- ნიუ-ჯერსის შტატის რამდენიმე ქალაქში 29,000 მომხმარებელი წყალს იღებდა რეზერვუარიდან, რომელიც წყლის ხარისხის დადგენილ სტანდარტებს არღვევდა.
- წყალმომარაგების კომპანიის განმარტებით, წყლის ადუღება მავნე ქიმიკატებს არ ანადგურებს. უმჯობესია, ბოთლის წყლის შეძენა მის დასალევად და საჭმლის მოსამზადებლად ან სერტიფიცირებული წყლის ფილტრის ყიდვა.
- რიგითი მოქალაქეების უსაფრთხოების შენარჩუნების მიზნით, აშშ-ის გარემოსდაცვითი სააგენტო მწარმოებლებს მათი საქმიანობის შედეგად წარმოქმნილი ტოქსიკური ნარჩენებისა და გარემოზე უარყოფითი ზეგავლენის შესახებ ანგარიშგებას მოსთხოვს.
ნიუ-ჯერსის შტატის რამდენიმე ქალაქში 29,000 მომხმარებელი წყალს იღებდა რეზერვუარიდან, რომელიც წყლის ხარისხის დადგენილ სტანდარტებს არღვევდა.
სუსტი იმუნური სისტემის მქონე მოსახლეებმა, ახალშობილი ბავშვებს დედებმა და ორსულებმა მიიღეს რეკომენდაცია, რომ სრულად შეეკავებინათ თავი ონკანის წყლის დალევისგან. წყალმომარაგების კომპანიის განმარტებით, წყლის ადუღება მავნე ქიმიკატებს არ ანადგურებს. უმჯობესია, ბოთლის წყლის შეძენა მის დასალევად და საჭმლის მოსამზადებლად ან სერტიფიცირებული წყლის ფილტრის ყიდვა.
მცირედად დაბინძურებული სასმელი წყლის მიღებას ჯანმრთელობაზე მყისიერი უარყოფითი ეფექტი არ ექნება, თუმცა აღსანიშნავია, რომ ნიუ-ჯერსიში არსებული 2,500 სხვადასხვა ინდუსტრიული საწარმო სასმელი წყლის ქიმიკატებით დაბინძურების სავარაუდო წყაროა.
მსგავსი ფაქტების პრევენციის მიზნით აშშ-ის გარემოსდაცვითი სააგენტო მწარმოებლებს მათი საქმიანობის შედეგად წარმოქმნილი ტოქსიკური ნარჩენებისა და გარემოზე უარყოფითი ზეგავლენის შესახებ ანგარიშგებას მოსთხოვს.
ბოლო რამდენიმე წლის განმავლობაში ნიუ-ჯერსიში აშშ-ის მასშტაბით ერთ-ერთი ყველაზე მკაცრი კანონები მიიღეს ადამიანის ჯანმრთელობისთვის ყველაზე საზიანო ქიმიკატების რეგულაციის მიზნით, თუმცა წესების კიდევ უფრო გამკაცრების მომხრეები ამბობენ, რომ კონტროლირებადი ქიმიკატები ადვილად იცვლიან სტრუქტურას და სხვა ქიმიკატების სახით ყალიბდებიან, რომლებსაც ასევე სჭირდება სტანდარტებში მოქცევა.
აღნიშნული გარემოებების პირობებში ნიუ-ჯერსის მოსახლეობის უკმაყოფილება გამოიწვია იმ ფაქტმა, რომ წყალმომარაგების კომპანიამ ადგილობრივ მაცხოვრებლებს სასმელი წყლის სხვა, ალტერნატიული წყარო არ შესთავაზა. ასევე, წუხილი გამოიწვია კომპანიის განცხადებამ, რომ ვითარება სრულად მხოლოდ 2023 წელს გამოსწორდება, თუმცა შტატის სახელმწიფო ორგანოების ჩართულობაც ამ პროცესს აჩქარებს.
სტატიაზე მუშაობდა : ნინი თოიძე
წყარო : www.njspotlight.com