ახალი აპლიკაცია ელექტრომობილების ღირებულებასა და ეკოლოგიურ სარგებელს ითვლის

ახალი აპლიკაცია, რომელიც ითვლის, თუ რამდენ ფულს დაზოგავენ ბრიტანელი მძღოლები ელექტრომობილზე გადასვლით, დღეს (9 სექტემბერი) ამოქმედდა.

აპლიკაცია EV8 უფასოა და მას აფინანსებს გაერთიანებული სამეფოს კოსმოსური სააგენტო 2.7 მილიონი ფუნტი სტერლინგით.

ელექტროენერგიაზე გადასვლის რენტაბელობასთან ერთად, აპლიკაცია, მომხმარებლებს აწვდის დეტალურ ინფორმაციას CO2 დაზოგვისა და ჰაერის ხარისხის გაუმჯობესების შესახებ, რის მიღწევასაც შეძლებდნენ.

მძღოლს, ასევე, შეუძლია თავისთვის ყველაზე შესაფერისი ელექტრომობილის ნახვა მისი ამჟამინდელი ავტომობილისა და ცხოვრების წესის მიხედვით. ამასთანავე, აპლიკაცია აჩვენებს უახლოეს სატენ პუნქტთან დაშორებას და მარშრუტებს, რომელთა გავლა დატენვის გარეშეა შესაძლებელი.

ტრანსპორტის მდივანმა გრანტ შაპსმა განაცხადა: “დღესაა ელექტრომობილების მსოფლიო დღე და მინდა, არა მხოლოდ ადამიანებისთვის ელექტროენერგიაზე გადასვლისთვის საჭირო ინსტრუმენტებთან მარტივი წვდომა ვუზრუნველყო, არამედ დავრწმუნდე, რომ სატენი პუნქტები ადვილად მისადგომი, ხელმისაწვდომი და ცნობადია.

ამიტომაც ჩვენ უკვე გამოვყავით 1,3 მილიარდი ფუნტი სტერლინგი მთელი ქვეყნის  მასშტაბით სატენი ინფრასტრუქტურის მოწყობის დასაჩქარებლად და, ვინაიდან მოუთმენლად ველით COP26-ს და ისედაც, ჩვენი ხედვით, დიდი ბრიტანეთი ნულოვანი გამონაბოლქვის სატრანსპორტო მომავლისკწნ გზაზე მოწინავე პოზიციებზეა, რაც პროცესში ათასობით მწვანე სამუშაო ადგილს შექმნის.”

Electrifying.com–თან ერთად, ტრანსპორტის დეპარტამენტმა, ასევე, გამოაქვეყნა დამწყებთათვის სახელმძღვანელო ელექტროენერგიაზე გადასავლელად, რომლის მიზანია მძღოლების დახმარება იმის გაცნობიერებაში, თუ რას გულისხმობს ელექტრომობილზე გადასვლა.

Electrifying.com–ის დამფუძნებელმა ჯინი ბაკლიმ დასძინა: “ჩვენ ვიცით, რომ ელექტრომობილზე გადასვლის პერსპექტივა შეიძლება გვაშინებდეს ზღვა ახალი ინფორმაციით, რომელიც უნდა ავითვისოთ,  და ჟარგონით, რომელიც უნდა მოვკვეთოთ.

მოხარულნი ვართ, რომ ვთანამშრომლობთ მთავრობასთან ჰაერის გასაწმენდათ მძღოლებისთვის მარტივი, მიუკერძოებელი და ჟარგონისგან თავისუფალი სახელმძღვანელოს გამოქვეყნებით ელექტრომობილების მსოფლიო დღისთვის.”

სტატიაზე მუშაობდა : ნატალია სლეპაკოვა

წყარო : airqualitynews.com