რა კავშირია დამუშავებულ საკვებსა და ეკოლოგიურ პრობლემებს შორის?
დამუშავებულ საკვებად ითვლება ყველაფერი, რისი შემადგენლობაც ან კონსისტენციაც მიზანმიმართულად შეიცვალა მომხმარებლის მიერ მის საკვებად გამოყენებამდე.
პროდუქტთა უმეტესი ნაწილი, რომელსაც სასურსათო მაღაზიაში ვხვდებით, დამუშავებული და დაფასოებულია, რაც ხშირ შემთხვევაში წარმოებისთვის ენერგიის ინტენსიურ გამოყენებაზე მიუთითებს. საყურადღებოა, რომ ასეთი პროდუქტები ხშირად ქიმიურადაა დამუშავებული, რაც ადამიანის ჯანმრთელობას ვნებს. დამატებით კი, დაფასოებისთვის საჭირო ერთჯერადი შეფუთვა მსოფლიოს ოკეანეებსა და ნაგავსაყრელებზე საუკუნეების განმავლობაში იარსებებს.
როგორ უნდა ავარიდოთ თავი დამუშავებულ საკვებს?
საუკეთესო გზა დამუშავებული პროდუქტების ჩასანაცვლებლად საკვების თქვენითვე მომზადებაა. შეძლებისდაგვარად უარი თქვით კვების ობიექტებში მზა საჭმლის ყიდვაზე, გამოიყენეთ ნატურალური და დაუფასოებული პროდუქტები და მოამზადეთ სასურველი საკვები სახლში, რითაც არა მხოლოდ საკუთარ ჯანმრთელობას, არამედ პლანეტასაც გაუფრთხილდებით.