საბაგირო როგორც სატრანსპორტო საშუალება
ევროპის დიდ ქალაქებში, აქტიურად განიხილავენ საქალაქო ტრანსპორტში საბაგიროს როლს. გზების განტვირთვისა და საცობების თავიდან არიდების მიზნით, ბევრი ქალაქი ალტერნატიულ გზებს ეძებს. ერთ-ერთ ასეთ საშუალებად, სულ უფრო ხშირად, სწორედ საბაგირო გზა განიხილება.
საბაგირო გზის პლიუსები
- საბაგირო გზას შეუძლია ადგილობრივი სატრანსპორტო მოძრაობის განმუხტვა;
- არ აბინძურებს ჰაერს;
- მისი მშენებლობა გზების მშენებლობაზე ბევრად იაფი ჯდება;
- შენდება მოკლე დროში;
- მისი შენახვა შედარებით მცირე ხარჯებთან არის დაკავშირებული;
- არის უსაფრთხო და კომფორტული;
- მარტივად ადაპტირებადია ეტლით მოსარგებლე მგზავრებისთვის;
- ცოტა ადგილს იკავებს;
- არ არის ხმაურიანი ტრანსპორტი;
- შეუძლია ბევრი მგზავრის გადაყვანა.
ამ და სხვა მიზეზების გამო, საბაგირო მხოლოდ ტურისტულ ღირსშესანიშნაობასთან ან ალპურ სატრანსპორტო საშუალებასთან აღარ ასოცირდება. ის განსაკუთრებით
მომგებიანია მთაგორიანი რელიეფის მქონე ქალაქებისთვის, სადაც საბაგიროს საშუალებით, ბევრად სწრაფად ხდება გადაადგილება. ამის მაგალითია,
ბოლივიის ქალაქ ლა-პასში არსებული, მსოფლიოში ერთ-ერთი ყველაზე გრძელი საბაგირო გზა. ის ერთმანეთთან აკავშირებს ლა-პასსა და მეზობელ ქალაქ ელ-ალტოს, რომელიც ლა-პასზე 400 მეტრით ზემოთ მდებარეობს. რთული რელიეფის გამო, ამ ქალაქების დამაკავშირებელი გზა მუდამ გადატვირთულია. მანქანით ამ გზის გავლას 1 საათი სჭირდება, საბაგიროთი მგზავრობას კი – მხოლოდ 15 წუთი.
სტატიაზე იმუშავა : მეგი წერეთელმა და ანა კუხაშვილმა