რატომ უნდა ავირჩიოთ LED ნათურები?

LED ნათურები (მანათობელი დიოდები) არა მხოლოდ თქვენი ელექტროენერგიის გადასახადს ამცირებს, არამედ უფრო ეკო-მეგობრულია, ვიდრე ჩვეულებრივი და ენერგოდამზოგავი ნათურები, რადგან მათი წარმოებაც და გამოყენებაც ნაკლებ ზიანს აყენებს გარემოს ორ ზემოხსენებულ ალტერნატივასთან შედარებით.

თვალსაჩინოებისთვის, 6-8-ვატიანი, 800 ლუმენის ტოლი სინათლის ნაკადის წარმომქმნელი LED ნათურა მუშაობს 50,000 საათის განმავლობაში.

60-ვატიანი ჩვეულებრივი ნათურა მუშაობს 1,200 საათი, ხოლო 13-15-ვატიანი ენერგოდამზოგავი ნათურა- 8,000 საათი.

LED ნათურები მოიხმარს ნაკლებ ენერგიას სინათლის ნაკადის წარმოსაქმნელად, რაც იწვევს სათბურის აირებისა და ნახშირორჟანგის ატმოსფეროში გამოყოფის შემცირებას.

მხოლოდ ერთი LED ნათურით თქვენ შეგიძლიათ ატმოსფეროში სათბურის აირების გამოყოფა წელიწადში ნახევარი ტონის მოცულობით შეამციროთ.