რა გავლენას ახდენს ხმაურით დაბინძურება ბავშვების კოგნიტურ განვითარებაზე

ხანგრძლივი ხმაური ზიანს აყენებს ადამიანის ჯანმრთელობას. იგი იწვევს სტრესის ჰორმონების გამოყოფას,  როგორიცაა: ადრენალინი და კორტიზოლი, გულის აჩქარება და არტერიული წნევის მატება.

ამასთანავე შეიძლება გამოიწვიოს დაძაბულობის და მუდმივი დაღლილობის შეგრძნება, აგრესიულობა, კონცენტრაციის დარღვევა, მეხსიერების დაქვეითება.

40-50 დბ ხმაური იწვევს ძილის დარღვევას, რის შედეგადაც მომდევნო დღეს, ადამიანი უჩივის კონცენტრაციის უნარის დაქვეითებას, ძილიანობასა და საერთო სისუსტეს.

ხმაურით დაბინძურება განსაკუთრებით ცუდად მოქმედებს ბავშვებზე როგორც მათ ჯანმრთელობაზე, ასევე განვითარებაზე. ბავშვები მუდმივად იმყოფებიან ხმაურით გამოწვეული სტრესის ქვეშ. გარდა სკოლაში, საბავშვო ბაღში და სახლში შექმნილი ხმაურისა, ბავშვებზე ასევე ცუდ გავლენას ახდენს ტრანსპორტით გამოწვეული ხმაური, ეს იქნება  საჰაერო მიმოსვლა თუ საქალაქო ტრანსპორტი.

ტრანსპორტით გამოწვეულ ხმაური დიდ ქალაქებში განსაკუთრებით ინტერსიურია. ევროპის ქალაქებში ჩატარებულმა კვლევებმა, სადაც ბავშვებს სკოლისთვის მზაობაზე ამოწმებდნენ, აჩვენა, რომ ხმაურიან ადგილას მცხოვრები ბავშვები თანატოლებს ჩამორჩებიან განვითარებაში . ამ კვლევების მიხედვით, ხმაურის 2 დბ-ით შემცირება დაახლოებით იმავე გავლენას ახდენს ბავშვის სკოლისთვის მზაობაზე, როგორც საბავშვო ბაღში დამატებით გატარებული ერთი თვე.

თარგმნა : მეგი წერეთელი

რედაქტირება : სალომე აბუაშვილი