პირბადის ტარება ღია სივრცეებშიც სავალდებულო ხდება.
როგორც დახურულ, ისე ღია სივრცეებში პირბადის ტარება სავალდებულო ხდება, – გადაწყვეტილება მთავრობის უწყებათშორისმა საბჭომ მიიღო.
როგორც ვიცე-პრემიერმა, მაია ცქიტიშვილმა განაცხადა, პირბადე კორონავირუსისგან თავის დაცვის ყველაზე ეფექტური სშუალებაა.
„საარჩევნო პროცესი ძალიან მაღალი მობილობით ხასიათდება. ბევრ დასახლებაში გვიწევს მეორე ტურის ჩატარება, შეიძლება ველოდოთ ინფიცირებულთა რაოდენობის ზრდასაც. მიუხედავად იმისა, რომ ჯერ კიდევ ვინარჩუნებთ დადებით დინამიკას იმ მიმართულებით, რომ ინფიცირებულთა ზრდა არ არის ძალიან მაღალი, როგორც ხედავთ, გამოჯანმრთელებულების ძალიან კარგი სტატისტიკაც გვაქვს, უნდა ვიზრუნოთ იმაზე, რომ ვირუსის გავრცელება შევაჩეროთ. ამიტომ გადაწყდა, რომ პირბადეების ტარება იქნება სავალდებულო არა მხოლოდ დახურულ არამედ ღია სივრცეებშიც“, – განაცხადა მაია ცქიტიშვილმა.
დარღვევის შემთხვევაში სანქცია 20 ლარია.
წყარო : BM.GE