2022 წლისთვის პარიზის ცენტრში ავტომობილები ვეღარ იმოძრავებენ

• ეს ცვლილება გამოწვეულია საფრანგეთის დედაქალაქის ,,15-წუთიან ქალაქად“ გადაქცევის მცდელობით
• არსებობს იდეა, რომ შეიქმნას ნაწილობრივ შეზღუდული გადაადგილების ზონები, სადაც მოძრაობა დაშვებული იქნება შეზღუდული მობილობის მქონე ადამიანებისთვის, პროდუქტების დისტრიბუციისთვის განკუთვნილი ტრანსპორტისა და მიტანის სერვისებისთვის.
• კლიმატის დაცვის ხელშეწყობისთვის ,,ფოლკსვაგენი“ ელექტრო მანქანების მოდელთა რიცხვს 50-მდე გაზრდის.

პარიზის ცენტრში ავტომობილებით გადაადგილების აკრძალვა იგეგმება. ეს ცვლილება გამოწვეულია საფრანგეთის დედაქალაქის ,,15-წუთიან ქალაქად“ გადაქცევის მცდელობით, რაც ნიშნავს იმას, რომ თუ თქვენ ამა თუ იმ პუნქტამდე მისაღწევად 15 წუთი ან ნაკლები დრო გჭირდებათ, ფეხით სიარულსა და ველოსიპედით გადაადგილებას შორის უნდა გააკეთოთ არჩევანი. ქალაქის მერი ან იდალგო კიდევ ერთი ნაბიჯით მიუახლოვდა თავის მიზანს – შეამციროს სამანქანო მოძრაობა.

ავტომობილთა გადაადგილების შეზღუდვა შეამცირებს ჰაერის დაბინძურებას

ახალი რეფორმა ველოსიპედისტებისა და ქვეითებისთვის გადაადგილებას გააადვილებს, ასევე საკმაოდ შეამცირებს ჰაერის დაბინძურებასა და ქალაქის ხმაურის დონეს, თუმცა ავტომობილთა გადაადგილების სრული აკრძალვა არ იქნება პრაქტიკული. არსებობს იდეა, რომ შეიქმნას ნაწილობრივ შეზღუდული გადაადგილების ზონები, სადაც მოძრაობა დაშვებული იქნება შეზღუდული მობილობის მქონე ადამიანებისთვის, პროდუქტების დისტრიბუციისთვის განკუთვნილი ტრანსპორტისა და მიტანის სერვისებისთვის. ასეთი ზონები უკვე არსებობს მილანში, რომში, მადრიდსა და ევროპის სხვა დიდ ქალაქებში.

აღსანიშნავია, რომ სტატისტიკურად მძღოლთა მხოლოდ 30 პროცენტს სჭირდება ავტომობილი. პარიზის ახალი რეფორმა ქალაქის ქუჩაში მოძრავ მანქანათა რიცხვს 55 პროცენტით შეამცირებს, რაც რაოდენობრივად დაახლოებით 100 000 ავტომობილია.

ცვლილებათა ციკლის საბოლოო მიზანია ამ ათწლეულის ბოლოს საფრანგეთში აღარ მოძრაობდეს შინაგანი წვის ძრავის მქონე ავტომობილები. ამერიკასა და ევროპაში მრავალ ქვეყანას აქვს მსგავსი მიზანი, მათ შორის იტალიას, გერმანიას, საბერძნეთსა და მექსიკას.

მსხვილი მწარმოებლემი მხარს უჭერენ პარიზის ამ რეფორმას. „ფოლკსვაგენი“ იძლევა გარანტიას, რომ შექმნის წარმოების ისეთ გეგმას, რომელიც ხელს შეუწყობს კლიმატის დაცვისათვის დასახული მიზნების მიღწევას. განსაკუთრებით ყურადღება მიექცევა ელექტრო მანქანების წარმოების გაუმჯობესებას, ამისათვის იგეგმება ,,ფოლკსვაგენის“ ელექტრო მანქანების მოდელთა რაოდენობის გაზრდა 50-მდე.

სტატიაზე მუშაობდა : ნინი თოიძე

წყარო : theplanetvoice.com