Amazon-ი ბუნებრივ გაზზე მომუშავე სატვირთო ავტომობილებს ყიდულობს

Amazon-ი ბუნებრივ გაზზე მომუშავე სატვირთო ავტომობილების შეძენას განიხილავს, კომპანიის მიზანი იმ ძველი სატვირთო ავტომობილების ჩანაცვლებაა, რომლებიც დიდი რაოდენობით ნახშირორჟანგს გამოყოფენ და ჰაერს აბინძურებენ. ამის შესახებ ინფორმაციას Reuters-ი ავრცელებს.

როგორც გამოცემა წერს, კომპანიის ონლაინ გაყიდვების რაოდენობა პანდემიის გამო განსაკუთრებით გაიზარდა 2020-ში 2019 წელთან შედარებით. გაყიდვების ზრდამ 38%-ი შეადგინა.

Amazon-ი აცხადებს, რომ ამ ეტაპზე 700-მდე სატვირთო ავტომობილი შეუკვეთეს და ონლაინ გაყიდვების პლატფორმა აღნიშნავს, რომ კომპანიას სურს 2040 წლამდე მინიმუმდე შეამციროს ნახშირორჟანგის გამოყოფა.

„Amazon-ი კმაყოფილია საკუთარი გადაწყვეტილებით, რომელიც ტვირთების გადაზიდვასთან დაკავშირებით მიიღო. ამიერიდან კომპანია პროდუქციის მიწოდებისას გამოიყენებს ისეთ სატვირთო ავტომობილებს, რომლებიც გარემოს ნაკლებად აბინძურებენ“, – აღნიშნულია კომპანიის პრესრელიზში.

შეგახსენებთ, რომ ბუნებრივ აირზე მომუშავე ავტომობილი დაახლოებით 27%-ით ნაკლებ ნახშირორჟანგს გამოყოფს, ვიდრე დიზელის საწვავზე მომუშავე ავტომობილები.

წყარო : https://bm.ge/ka/article/amazon-i-bunebriv-gazze-momushave-satvirto-avtomobilebs-yidulobs/75442