ელა ადო-ქისი-დებრას გარდაცვალების გამომწვევ მიზეზად ჰაერის დაბინძურება დასახელდა

დიდი ბრიტანეთის 9 წლის მკვიდრი ელა ადო-ქისი-დებრა 2013 წელს ასთმის შეტევით გარდაიცვალა. 7 წლის შემდეგ, ადგილობრივმა სასამართლომ დაადგინა, რომ მისი სიკვდილის მიზეზი გახდა მწვავე რესპირატორული უკმარისობა, მძიმე ასთმა და ჰაერის დაბინძურება. ეს პირველი შემთხვევაა დიდ ბრიტანეთში, როდესაც ჰაერის დაბინძურება ვიღაცის სიკვდილის გამომწვევ მიზეზად დასახელდა. ეს გადაწყვეტილება ემსახურება იმის წარმოჩენას, თუ როგორ არის დაკავშირებული გარემოსდაცვითი სამართლიანობა რასობრივ სამართლიანობასთან და აიძულებს მთავრობას ქმედი ზომები გაატაროს ჰაერის დაბინძურების საკითხის გადასაჭრელად.

ლონდონში ელა ცხოვრობდა გადატვირთული გზის მახლობლად, რომელიც აზოტის დიოქსიდის და PM ნაწილაკების განსაკუთრებით მაღალი კონცენტრაციის დონით გამოირჩევა – თქვა ბარლოუმ. „ცნობილი ფაქტია, რომ აზოტის დიოქსიდის დონის შემცირების წინა მცდელობა წარუმატებელი აღმოჩნდა, რამაც შესაძლოა გამოიწვია მისი სიკვდილი. ამას თან ერთვის ელას დედის არასათანადო ინფორმირება შესაძლო საფრთხეების შესახებ.“

ლონდონის მერმა სადიქ ხანმა ამ დადგენილებას „გარდამტეხი მომენტი“ უწოდა.​

მომწამვლელი, დაბინძურებული ჰაერი საზოგადოების ჯანდაცვის მთავარი გამოწვევაა,“ – დაწერა ხანმა Twitter- ზე. „წარსულში მინისტრები და ჩემი წინამორბედი მერი ძალიან ნელა მოქმედებნენ, მაგრამ კორონერის ამ განჩინებამ უნდა გვაიძულოს, რომ უფრო მეტი გავაკეთოთ ჰაერის დაბინძურების მომაკვდინებელი ფაქტორების შესამცირებლად ლონდონში და მთლიანად ქვეყნის მასშტაბით.