24 მერსედესის ელექტრო ავტობუსი ქალაქ დარმშტადტისთვის. HEAG Mobilo – ს ავტობუსების ერთი მესამედი იქნება ელექტრო.
კომპანია HEAG Mobilo-მ მერსედესს, გერმანიის ქალაქ დარმშტადტისთვის, შეუკვეთა 24 eCitaro ელექტრო ავტობუსი. გეგმის მიხედვით, 2021 წლის მეორე ნახევარში, ელექტრო ავტობუსები ძველ დიზელის ავტობუსებს ჩაანაცვლებენ. ამ შეკვეთამდე (2020 წლის ივნისი) ქალაქში დიზელის ავტობუსები უკვე ხუთმა eCitaro-მ ჩაანაცვლა.
დარმშტადტის ავტობუსების ოპერატორი, HEAG Mobilo, 2025 წლისთვის გეგმავს ავტობუსების 95% ჩაანაცვლოს ელექტრო ავტობუსებით, სულ 80 ავტობუსი. თუ ეს გეგმა შესრულდება კომპანია დაზოგავს 2.5 მილიონ დიზელს წელიწადში, შესაბამისად არ გამოიყოფა 6,000 ტონა CO2.
მერსედესის eCitaro დარმშტადისთვის
24 ახლად შეკვეთილი ავტობუსი დაყოფილია 11, 12 და 13-მეტრიან ავტობუსებად, 18-მეტრიანი ავტობუსების მიწოდება წლის ბოლოსსს დაგეგმილი. MBpassionblog-ის მიხედვით ყველა ავტობუსი არის კომპანია Daimler Buses-ის უმაღლესი დაცვის მექანიზმით აღჭურვილი. ამ დაცვის სისტემაში, სხვა მრავალ ფუნქციებს შორის, არის გვერდითი დაცვის მხარდაჭერა, რომელიც მძღოლს მარჯვნივ მოხვევის დროს ეხმარება. ასევე არის ახალი პრევენციული მუხრუჭის სისტემა, რომელიც პირველადაა ინტეგრირებული ქალაქის ავტობუსში. პრევენციული დაცვა მძღოლის კაბინასაც აქვს: საქარე მინა, რომელიც გარე შემოჭრისგან იცავს მძღოლს.
“24 ახალი და სხვა არსებული ელექტრო ავტობუსებით ჩვენ შეგვიძლია ძველი ავტობუსების 1/3 ჩავანაცვლოთ. შესაბამისად, ჩვენი ავტობუსები, რომელიც გამორჩეულია გარემოსთვის ზიანის სიმცირით – ყველაზე თანამედროვეა. ამ ავტობუსების დადებითი მხარეებით სარგებლობენ არა მხოლოდ მგზავრები, არამედ ქალაქის მაცხოვრებლები, რომელთაც აღარ მოუწევთ გამონაბოლქვით და ხმაურით დაბინძურებულ გარემოში ცხოვრება.“ ამბობს Mathias Kalbfuss, კომპანია HEAG Mobilo-ს მმართველი დირექტორი.
სტატიაზე იმუშავა : შაკო ღლონტი – ანა ქურდაძე
წყარო : https://www.sustainable-bus.com