სახლიდან მუშაობამ შესაძლოა გამოიწვიოს შიდა ჰაერის დაბინძურების ზრდა.

ენერგიისა და კლიმატის საინფორმაციო გაერთიანების (ECIU) ახალი ანგარიშის თანახმად, გაზქურებისა და გამათბობლების გამოყენების მატებამ, შესაძლოა გაზარდოს აზოტის ოქსიდით (NOx) დაბინძურება ზამთარში.

დიდი ბრიტანეთის მასშტაბით დაახლოებით 21 მილიონი გაზის გამათბობელია, რომელთა შორისაც მხოლოდ 5%-ზე ნაკლებია დაბალ ნახშირბადგამომყოფი.

შენობებში გაზქურებისა და გამათბობლების მოხმარებით გამოწვეული გაზის წვა არის ადგილობრივი დაბინძურების მთავარი წყარო, რომელიც Greater London-ის მუნიციპალიტეტში აზოტის ოქსიდის გამოყოფის საერთო მაჩვენებლის ერთ მეხუთედს (21%) შეადგენს.

ანგარიშის თანახმად, სახლიდან მუშაობის დროის ზრდის პარალელურად, 56%-ით იზრდება გამათბობლების გამოყენების ხანგრძლივობა ზამთარში.

ავტორები გვაფრთხილებენ, რომ ეს ყოველივე გადაწონის ტრანსპორტის გამონაბოლქვის შემცირებით მიღებულ პროგრესს.

ანგარიშის ავტორი და ECIU-ს ანალიტიკოსი ჯესი რალსტონი აცხადებს: ,,იღებს რა სათავეს დიდი ბრიტანეთის კლიმატის ასამბლეადან, სადაც ცხრა ადამიანმა ათიდან მხარი დაუჭირა გაზის გამათბობლების აკრძალვას, გათბობისა და შენობა-ნაგებობების სტრატეგიის ფარგლებში ველით პასუხს ხელისუფლებისგან, თუ როგორ აპირებს უპასუხოს გაზით გათბობით გამოწვეულ ნახშირბადის გამოყოფისა და ჰაერის ხარისხის გამოწვევებს.

ანგარიშში ხაზგასმულია, რომ სუფთა ალტერნატივის არჩევით გავზრდით კარბონის დიოქსიდის გამოყოფას და შევამცირებთ აზოტის ოქსიდის საშიში დონის არსებობას.

დიდი ბრიტანეთის კლიმატის ცვლილებასთან არსებული ჯანმრთელობის ალიანსის ოფიციალური წარმომადგენელი და სასუნთქი გზების სპეციალისტი, დოქტორი ანა მური აცხადებს: ,,საზოგადოდ ცნობილია, რომ საგზაო ტრანსპორტიდან გამოყოფილი აზოტის ოქსიდით დაბინძურება აზიანებს ჯანმრთელობას, განსაკუთრებით ფილტვებს.,,

თუმცა ნაკლებად ცნობილია, რომ ეს საზიანო ნივთიერებები ჩვენს სახლებშიც არის.

სახლის გამათბობლებს დიდი წვლილი შეაქვთ აზოტის ოქსიდის საერთო გამოყოფაში. რამდენადაც ჯანმრთელობისთვის მნიშვნელოვანია, გვქონდეს თბილი სახლი, ასევე საყურადღებოა სახლიდან მუშაობით გამოწვეული ჰაერის დაბინძურების ზრდის მაჩვენებელი.

სტატიაზე იმუშავა : ანი ჩუბინიძე – სალომე აბუაშვილი

წყარო : https://airqualitynews.com