ინდოეთში ხმაურით დაბინძურება წინა წელთან შედარებით გაიზარდა

ინდოეთში, ფესტივალ დივალის ღამეს, დაბინძურების კონტროლის საბჭომ (CPCB) გამოიკვლია 5 სხვადასხვა დასახლება და ერთი ინდუსტრიული ტერიტორია, ხმაურით დაბინძურებასთან დაკავშირებით. ეს ადგილებია Lajpat Nagar, Mayur Vihar Phase-2, Pitampura, Kamla Nagar, Janakpuri და Okhla.

მიღებული მონაცემებით, 2019 წლის ფესტივალის ღამესთან შედარებით, წელს, მინიმუმ სამ ადგილზე, ხმაურით დაბინძურება გაზრდილი იყო.

მონაცემების მიხედვით, 6 საათიდან 12 საათამდე, Lajpat Nagar-ში დაფიქსირდა 71 დეციბელი, ამავე ადგილას 1 წლის წინ ხმაური 69 დეციბელი იყო. Mayur Vihar Phase-2-ში ხმაურის ზედა ზღვარი 72 დეციბელამდე გაიზარდა, 2019 წელს ეს ზღვარი 68 დეციბელი იყო. მსგავსი ტენდენცია აღმოჩნდა Janakpur-ში, სადაც შაბათ ღამეს 72 დეციბელის ხმაური ფიქსირდებოდა, წინა წელს ეს მაჩვენებელი 71 დეციბელზე იყო.

დღის განმავლობაში, დასახლებული პუნქტებისთვის მიღებული სტანდარტის მიხედვით, ხმაურის დონე არ უნდა ასცდეს 55 დეციბელს, ხოლო ღამე 45 დეციბელს. ინდუსტრიული ტერიტორიისთვის ხმაურის მაჩვენებელი არ შიძლება იყოს 75 დეციბელზე მეტი დღისით, ღამით კი 70 დეციბელზე მეტი.

ანგარიშში წერია, რომ მათ შეისწავლეს ხმაურის სიხშირე დივალის ფესტივალამდეც, რათა დაედგინათ რა გავლენას ახდენს გამოყენებული ასაფეთქებლები.

„ფესტივალ დივალიმდე მიღებული მონაცემები, შეიძლება გამოგვადგეს მხოლოდ იმ დღეებთან შესადარებლად, როდესაც ასაფეთქებლების ხმაურით გარემო არ ბინძურდება.“- წერია ანგარიშში.

CPCB-ს უფროსმა წარმომადგენელმა განმარტა, რომ წელს ყველა ტიპის ასაფეთქებელი აკრძალული იყო. კვლევის მიერ მიღებული რიცხვები კი ამტკიცებს, რომ აკრძალვას ხალხი არ დაემორჩილა.

„იდეალურ შემთხვევაში, ხმაურის დონე მაღლა არ უნდა ასულიყო, რადგან ასაფეთქებლები მთლიანად აიკრძალა. მაგრამ ქალაქის იზოლაცია პრაქტიკულად შეუძლებელია, აკრძალვის შემთხვევაშიც კი ყოველთვის გამოჩნდება სხვა რეგიონიდან შემოტანის გზები. ამიტომაც 6 საათის შემდეგ, კვლავ სწრაფად გაიზარდა ხმაურის მაჩვენებელი, რადგან მოსახლეობამ ასაფეთქებლების გამოყენება დაიწყო.“ ამბობს CPCB-ს წარმომადგენელი.

მათ ასევე განაცხადეს, რომ ხმაურის დონეს 24/7 ზე აკვირდებიან, რათა ჰქონდეთ  ხმაურის შესახებ მონაცემები ფესტივალამდე, ფესტივალის დროს და ფესტივალის შემდეგ.

სტატიაზე იმუშავა : შაკო ღლონტი – ანა ქუხაშვილი

წყარო : https://www.hindustantimes.com