ჰაერის დაბინძურება და COVID-19-ის გავრცელება.

ამერიკის შეერთებულ შტატებში ჩატარებულმა კვლევამ აჩვენა, რომ  ჰაერის დაბინძურება ზემოქმედებს COVID-19-ის გავრცელებაზე, დაავადებულთა მდგომარეობასა და რიგ შემთხვევებში, სიკვდილიანობის მაჩვენებლის ზრდაზე.

ჯონ ჰოპკინსის უნივერსიტეტის მკვლევარებმა შეადარეს აშშ-ს გარემოს დაცვის სააგენტოს მიერ მოწოდებული ჰაერის შემადგენლობისა და COVID-19-ის გავრცელების სტატისტიკური მაჩვენებლები.

კვლევის პროცესში აღმოჩნდა, რომ რომ ჰაერში მყარი  ნაწილაკების ოდნავი შემცირებაც კი  სიკვდილიანობის მაჩვენებელს 3%-დან 5%-მდე ამცირებდა, ასევე 2%-ით მცირდებოდა ახლად დადასტურებული შემთხვევების რაოდენობაც.

მკვლევარებმა გამოიყენეს იმ მობილური აპლიკაციებიდან მიღებული მონაცემები, რომელიც სოციალური დისტანცირების პოლიტიკისთვის შემუშავდა. მონაცემებით გამოვლინდა, რომ 22 იანვირდან 15 აგვისტომდე, მაშინ როდესაც ჰაერის მდგომარეობა გაუმჯობესდა, ნაკლებად დაფიქსირდა COVID-19-ის  დადასტურებული შემთხვევები და სიკვდილიანობის მაჩვენებელიც.

კვლევის ფარგლებში გამოიკვეთა, რომ ზოგიერთ სოციალურ-ეკონომიკურ ჯგუფს COVID-19-ის პანდემიამ განსაკუთრებულად დიდი ზიანი მიაყენა. როგორც ცნობილია, ეს ჯგუფები, ცხოვრობენ იმ ადგილებში, სადაც ჰაერის დაბინძურების ხარისხი უფრო მაღალია.

მკვლევარები გვთავაზობენ რეკომენდაციებს, რაც ხელს შეუწყობს ჰაერის მდგომარეობის გაუმჯობესებას, შესაბამისად შეამცირებს COVID-19-ის გავრცელებას.

• სასურველია შემცირდეს მოსახლეობის მობილობა და გაგრძელდეს დისტანციური სწავლა, მუშაობა, რაც შესამჩნევად შეამცირებს გამონაბოლქვის რაოდენობას;
• სასურველია ადგილობრივმა მთავრობებმა სხვადასხვა რეგულაციების დახმარებით შეამცირონ გამონაბოლქვის მაჩვენებელი;
• სასურველია შეიცვალოს ავტოპარკი და ქვეყნები გადავიდნენ ეკოლოგიურად სუფთა ტრანსპორტის გამოყენებაზე.

და ბოლოს, ჩვენ ვიცით, რომ აღარ გვაქვს შესაძლებლობა შევცვალოთ წარსულში დაბინძურებული გარემო, მაგრამ ჩვენ გვაქვს ძალა, შევცვალოთ როგორც დღეს არსებული მდგომარეობა,  ასევე მომავალი.

თარგმნა : თეკა გრამატოპულო

რედაქტირება : ანა ქურდაძე

წყარო : https://www.weforum.org