თუ სამყარო 2050 წლისთვის ნულოვან გამონაბოლქვს მიაღწევს, ეს 74 მილიონი ადამიანის სიცოცხლეს გადაარჩენს

• წლევანდელმა ზაფხულმა გვიჩვენა, რომ კლიმატის კრიზისი უკვე მომაკვდინებელი გახდა ჩვენთვის. მაღალმა ტემპერატურამ, ხანძრებმა და წყალდიდობებმა უამრავი ადამიანის სიცოცხლე შეიწირა. ყველაზე სამწუხარო კი ისაა, რომ თუ არ მივიღებთ შესაბამის ღონისძიებებს სათბურის გაზების შესამცირებლად, კრიზისი კიდევ უფრო დამანგრეველ შედეგებს გამოიწვევს.
• ბრესლერმა გამოითვალა, რა მოხდება, ერთ შემთხვევაში, თუ 2050 წლისთვის გამონაბოლქვის დონეს 0-მდე დავიყვანთ, ხოლო მეორე შემთხვევაში, თუ ტემპერატურა 4 გრადუსით გაიზრდება საუკუნის ბოლომდე. ამ ორ შემთხვევას შორის განსხვავება 74 მილიონი სიცოცხლეა.

წლევანდელმა ზაფხულმა გვიჩვენა, რომ კლიმატის კრიზისი უკვე მომაკვდინებელი გახდა ჩვენთვის. მაღალმა ტემპერატურამ, ხანძრებმა და წყალდიდობებმა უამრავი ადამიანის სიცოცხლე შეიწირა. ყველაზე სამწუხარო კი ისაა, რომ თუ არ მივიღებთ შესაბამის ღონისძიებებს სათბურის გაზების შესამცირებლად, კრიზისი კიდევ უფრო დამანგრეველ შედეგებს გამოიწვევს.

ახალმა კვლევამ აჩვენა, ერთ მეტრულ ტონა ნახშირორჟანგზე სიკვდილიანობის მაჩვენებელი. ამ კვლევის თანახმად, ყოველ 4434 მეტრულ ტონა ნახშირორჟანგზე ერთი ადამიანი გარდაიცვლება.

„ყველაზე კარგი ისაა, რომ ჩვენ შეგვიძლია დავასახელოთ გადარჩენილი სიცოცხლის ზუსტი რაოდენობა, თუ შევამცირებთ გამონაბოლქვს,“ – თქვა კვლევის ავტორმა, კოლუმბიის უნივერსიტეტის პროფესორმა, დანიელ ბრესლერმა.

ბრესლერმა გამოითვალა, რა მოხდება, ერთ შემთხვევაში, თუ 2050 წლისთვის გამონაბოლქვის დონეს 0-მდე დავიყვანთ, ხოლო მეორე შემთხვევაში, თუ ტემპერატურა 4 გრადუსით გაიზრდება საუკუნის ბოლომდე. ამ ორ შემთხვევას შორის განსხვავება 74 მილიონი სიცოცხლეა.

კვლევის მთავარი მიზანი იყო „გამონაბოლქვის სოციალური ფასის“ დადგენა. ეს დაეხმარება მეცნიერებს შეაფასონ სოფლის მეურნეობის პროდუქტიულობა, ელექტროენერგიის ხარჯი და ამ ყველაფრის გავლენა ადამიანის ჯანმრთელობაზე.

თუმცა გამოთვლები ბოლომდე ზუსტი არაა, რადგან ბრესლერმა გამოიყენა მხოლოდ სიცხისგან გამოწვეული გარდაცვალების მაჩვენებლები. მან არ გაითვალისწინა მოსავლის ჩავარდნისგან, შესაძლო ომისა და სხვა ფაქტორებისგან გამოწვეული სიკვდილიანობა. მიუხედავად ამისა, ეს კვლევა დღესდღეობით ჩვენთვის სასიცოცხლოდ მნიშვნელოვანია.

სტატიაზე მუშაობდა : დეა კუსიანი

წყარო : www.ecowatch.com