როგორ მოქმედებს სინათლისა და ტემპერატურის ერთობლივი ზემოქმედება მცენარეთა ზრდაზე

• ახალი მონაცემები შეიძლება დაეხმაროს მეცნიერებს უფრო სიცოცხლისუნარიანი მცენარეების შექმნაში, რომლებიც კლიმატის ცვლილებას გაუძლებს.
• Nature Communications-ში 2022 წლის 29 აგვისტოს გამოქვეყნებული აღმოჩენა დაეხმარება მეცნიერებს, წინასწარ განსაზღვრონ, თუ როგორ რეაგირებს მცენარეები კლიმატის ცვლილებაზე, შედეგად კი აკონტროლონ მოსავლიანობა, მიუხედავად არახელსაყრელი პირობებისა.

ახალი მონაცემები შეიძლება დაეხმაროს მეცნიერებს უფრო სიცოცხლისუნარიანი მცენარეების შექმნაში,  რომლებიც კლიმატის ცვლილებას გაუძლებს.

მცენარეები იზრდება და მზის შუქზე წვდომის უზრუნველსაყოფად მისკენ იხრება. ამ ფენომენზე საუკუნეების განმავლობაში დაკვირვების მიუხედავად, მეცნიერებს ბოლომდე არ ესმით იგი. ახლა კი Salk-ის მეცნიერებმა აღმოაჩინეს, რომ ორი მცენარეული ფაქტორი – ცილა PIF7 და ზრდის ჰორმონი აუქსინი – არიან კატალიზატორები, რომლებიც აჩქარებენ ზრდას, როდესაც მცენარე დაჩრდილულია და, იმავდროულად, იმყოფება თბილ გარემოში.

აღმოჩენა, რომელიც გამოქვეყნდა Nature Communications-ში 2022 წლის 29 აგვისტოს, დაეხმარება მეცნიერებს, წინასწარ განსაზღვრონ, თუ როგორ რეაგირებს მცენარეები კლიმატის ცვლილებაზე, შედეგად კი აკონტროლონ მოსავლიანობა, მიუხედავად არახელსაყრელი პირობებისა.

„ამჟამად ვზრდით მცენარეეებს გარკვეული სისქით, თუმცა ჩვენი დასკვნები მიუთითებს, რომ დაგვჭირდება ამ სისქის შემცირება კლიმატის ცვლილებების დროს, ზრდის ოპტიმიზაციისთვის“, – ამბობს, Salk’s Plant Molecular and Cellular Biology Laboratory and Howard-ის უფროსი პროფესორი, ჯოან ქორი. „იმის მოლეკულური საფუძვლის გაგება, თუ როგორ რეაგირებს მცენარეები სინათლესა და ტემპერატურაზე, საშუალებას მოგვცემს ვაკონტროლოთ მოსავლის სისქე ისე, რომ მივიღოთ საუკეთესო შედეგი“.

ფოტოზე: Arabidopsis thaliana უჯრედები (ზემოთ) და ნერგები (ქვემოთ) სხვადასხვა სინათლისა და ტემპერატურის პირობებში. სულ მარჯვნივ გამოსახული ნერგი გვიჩვენებს აჩქარებულ ზრდას ჩრდილისა და თბილი ტემპერატურის საპასუხოდ.

სტატიაზე მუშაობდა : ალექსანდრე ფიფია და გიგი ჭითანავა

წყარო : www.enn.com

5 ოქტომბერი 2022 წელი.