როგორ გავაუმჯობესოთ ურბანული კლიმატი

დღესდღეობით, დიდი ქალაქების კლიმატისთვის დამახასიათებელია ჰაერში დამაბინძურებელი ნივთიერებების მაღალი კონცენტრაცია, დაბალი ტენიანობა და ტემპერატურის ექსტრემალური ცვალებადობა. ასეთი კლიმატური პირობები უარყოფითად მოქმედებს მოსახლეობაზე. ნეგატიური გავლენის შემცირებაში განსაკუთრებულ როლს თამაშობს ურბანული გამწვანება: მცენარეები ხელს უწყობენ ქალაქის კლიმატის გაუმჯობესებას, ამიტომ გამწვანება პრიორიტეტული უნდა იყოს  ქალაქის დაგეგმარების პროცესში. სამწუხაროდ გამწვანებისთვის გამოყოფილი ფინანსები და გასამწვანებელი სივრცეები სულ უფრო მცირდება. ამისათვის განვიხილოთ ალტერნატიული ვარიანტები, ანუ როგორ გავამწვანოთ პატარა სივრცეები მაქსიმალურად და მცირე ბიუჯეტის ფარგლებში.

ქალაქების გამწვანებისას დიდი როლი ენიჭება არა მხოლოდ სკვერებს და პარკებს, არამედ უშუალოდ საცხოვრებელ სახლებთან მდებარე მცირე ზომის თავისუფალ სივრცეებსაც. ბოლო პერიოდში, ასევე აქტუალური გახდა ურბანული ბაღჩა, რომელიც ქალაქის მოსახლეობას საშუალებას აძლევს პატარა ფართობზე თავად მოიყვანოს ხილი და ბოსტნეული. ასეთი წერტილოვანი გამწვანება დადებითად მოქმედებს მოსახლეობის როგორ ფიზიკურ, ასევე ფსიქიკურ ჯანმრთელობაზე.

მცენარეების არჩევისას უპირატესობა უნდა მივანიჭოთ ურბანული კლიმატისთვის შესაფერისი ხეების და ბუჩქების სახეობებს. ყველა მცენარე ვერ უძლებს დაბინძურებულ ჰაერსა და დაბალ ტენიანობას. გარდა ამისა, მცენარეთა ზოგიერთი სახეობა განსაკუთრებულ მოვლას საჭიროებს. ასეთი მცენარეების დარგვაც ნაკლებ სახარბიელოა. გზის პირას დასარგავად უნდა შეირჩეს გამძლე სახეობის მცენარეები, რადგან ასეთ ადგილებში ჰაერი მეტად დაბინძურებულია. ზაფხულში ასფალტიან ადგილას ტემპერატურაც მაღალია და ჰაერიც მშრალი. ამიტომ, დასარგავი მცენარეების სახეობები უნდა შევარჩიოთ ადგილმდებარეობის მიხედვით.

სტატიაზე მუშაობდა : მეგი წერეთელი და ნატა შველიძე

წყარო : https://abes-online.com/publikationen/ratgeber/zukunftsfaehig-und-nachhaltig-die-gruene-stadt/