ნარჩენების გადამუშავების ახალი შვედური ქარხანა

• შვედეთში ნარჩენების გადამუშავების ახალ ქარხანაში მსოფლიოში ყველაზე მეტი პლასტმასის გადამუშავებაა შესაძლებელი;

• Svensk Plaståtervinning-ის ცნობით, ქარხანა Site Zero-ში ყოველწლიურად 200 000 ტონამდე პლასტმასის გადამუშავება ხდება.

• უახლოეს მომავალში Site Zero-ში 12 სახეობის პლასტმასის გადამუშავება მოხერხდება, რაც შვედეთში ამ ტიპის ნარჩენების უტილიზაციის საკითხს მოაგვარებს.

შვედურ ქ. მოტალაში მდებარე ახალ ქარხანას მსოფლიოში ყველაზე მეტი პლასტმასის დახარისხება შეუძლია. Svensk Plaståtervinning-ის (შვედეთის პლასტმასის გადამუშავება) ცნობით, ქარხანა Site Zero-ს ყოველწლიურად 200 000 ტონამდე პლასტმასის გადამუშავდება შეუძლია.

60 000 კვადრატულ მეტრზე გაშლილ საწარმოში ამჟამად 4 სახეობის პლასტმასის დამუშავებაა შესაძლებელი, თუმცა ეს რიცხვი ცოტახანში 12-ამდე გაიზრდება. ამის წყალობით შვედეთში პლასტმასის უტილიზაციის საკითხი მოგვარდება.

ახლო ინფრაწითელი (NIR) სენსორების, ხელოვნური ინტელექტის, ლაზერული და კამერის ტექნოლოგიების გამოყენებით საწარმოში წამში 1 000 პლასტმასის შეფუთვის დახარისხება ხდება. საწარმო ასევე აღჭურვილია განახლებადი ენერგიის წყაროებით.

შვედეთის პლასტმასის გადამუშავების მთავარი აღმასრულებელი დირექტორის მათიას ფილიფსონის თქმით, ძველ ქარხანაში შემოსული პლასტმასის მხოლოდ 47%-ის გადამუშავება ხერხდებოდა, ხოლო დანარჩენს დასაწვავად აგზავნიდნენ. Site Zero-ში პლასტმასის 97%-ამდე გადამუშავდება.

საწარმოში მიღებული პლასტმასა შეიძლება მექანიკურად ან ქიმიურად გადამუშავდეს. ზოგი მკვლევარი და გარემოს დაცვის სპეციალისტი გვაფრთხილებს, რომ ეს მეთოდები გარემოსთვის საზიანოა. Inside Climate News-ის მიხედვით, ქიმიურ გადამუშავებას შეიძლება ბევრი ელექტროენერგია დასჭირდეს და სათბური აირები წარმოქმნას.

ნარჩენების რაოდენობის შემცირება და მათი გადამუშავება გარემოს დაბინძურების შესამცირებლად კვლავ ეკოლოგიის ერთ-ერთ პრიორიტეტულ ამოცანად რჩება. Site Zero-ს მსგავსი საწარმოები ამ პრობლემის გადაჭრაში ეფექტურად დაგვეხმარება. ჟურნალ „გარემოს დაცვასთან დაკავშირებულ ტექნოლოგიასა და ინოვაციაში“ (Environmental Technology & Innovation) გამოქვეყნებული ახალი კვლევიდან ჩანს, რომ პლასტმასის გადამუშავება 42%-ით ამცირებს ნახშირორჟანგის ემისიას. შეიძლება ეს დამოკიდებულია პლასტმასის სახეობასა და გადამუშავების მეთოდებზე.

სტატიაზე მუშაობდა: გიორგი ქარქუზაშვილი, ლილიან მეტრეველი

წყარო: Ecowatch.com

10 ივნისი 2024 წელი