მთავრობის მიერ შემოთავაზებული სამართლებრივი გეგმები ჰაერის დაბინძურებისა და ველური ბუნების თაობაზე

Greenpeace-ის განცხადებით, ეს არის პრემიერ-მინისტრის შანსი დაადასტუროს მთავრობის მიერ დაპირებული მწვანე ვექტორი და განახორციელოს “ჭეშმარიტად რადიკალური ქმედებები ბუნებრივ სამყაროში პლასტმასის უწყვეტი ნაკადის შესაჩერებლად.“

• 2020 წელს პირველად, დიდ ბრიტანეთში ჰაერის დაბინძურება სიკვდილის მიზეზად დაფიქსირდა, რის შედეგადაც 9 წლის ელა კისი-დებრა (Ella Kissi-Debrah) ფატალური ასთმური შეტევის შედეგად გარდაიცვალა.
• დიდი ბრიტანეთი ერთ-ერთია იმ ქვეყანათა შორის, რომლის ბუნებაც საკმაოდ გამოფიტულია; სწორედ ამიტომ, მთავრობამ 2030 წლისთვის ხმელეთის 30%-ის დაცვაზე აიღო ვალდებულება, რაც ხელს შეუწყობს ველური ბუნების აღდგენას.
• „ეს არის შანსი ბორის ჯონსონისთვის, დაადასტუროს ის საიმედო გეგმები, რომელიც წარმოაჩენს მთავრობის დანაპირებს, ინგლისის ხმელეთისა და ზღვის სრული, ან სულ მცირე 30% მაქსიმალურ დონეზე დაიცვას 2030 წლისთვის. ამისთვის რადიკალური ზომების მიღებაა საჭირო, განსაკუთრებით, პლასტმასის უწყვეტი ნაკადის შესაჩერებლად.“
• საქველმოქმედო ორგანიზაციამ „The Wildlife Trusts“ აღნიშვნა „ველური სარტყელი“ აღდგენადი მიწების დასაცავად წარადგინა.

მთავრობის მიერ წამოყენებულ წინადადებებს შორის ჰაერის დაბინძურებისა და ველური სახეობების სიმრავლის სამართლებრივი მიზნებიც შედის.

მინისტრებს, ეფექტური მართვისთვის სურთ ჰაერის ხარისხის, ველური ბუნების, წყლისა და ნარჩენების შესამცირებლად იურიდიულად სავალდებულო გეგმები შეიმუშაონ.

წინადადება მოიცავს ყოველწლიურ, მიზნობრივ მაჩვენებლებს საშუალო კონცენტრაციის მქონე მტვრის მცირე ნაწილაკებზე – ჰაერის დაბინძურებაზე, რამაც შესაძლოა გავლენა იქონიოს ფილტვების ფუნქციონირებაზე, ასთმისა და გულის დაავადებების გაუარესებაზე.

2020 წელს პირველად, დიდ ბრიტანეთში ჰაერის დაბინძურება სიკვდილის მიზეზად დაფიქსირდა, რის შედეგადაც 9 წლის ელა კისი-დებრა (Ella Kissi-Debrah) ფატალური ასთმური შეტევის შედეგად გარდაიცვალა.

სამომავლო გეგმებში ბუნების აღდგენაც შედის. სწორედ ამიტომ, შესაძლებელია, ჰაბიტატების კლასიფიკაციის ახალი სისტემა გაჩნდეს. საქველმოქმედო ორგანიზაციამ „The Wildlife Trusts“ აღნიშვნა „ველური სარტყელი“ აღდგენადი მიწების  დასაცავად წარადგინა.

დიდი ბრიტანეთი ერთ-ერთია იმ ქვეყანათა შორის, რომლის ბუნებაც საკმაოდ გამოფიტულია; სწორედ ამიტომ, მთავრობამ 2030 წლისთვის ხმელეთის 30%-ის დაცვაზე აიღო ვალდებულება, რაც ხელს შეუწყობს ველური ბუნების აღდგენას.

მთავრობის წინადადება რვაკვირიან კონსულტაციაზე იქნება წარდგენილი და Brexit-ის შემდგომ, გარემოსდაცვითი კანონების ვალდებულებების ნაწილს წარმოადგენს.

„დღეს ჩვენ განვიხილავთ ველური სამყაროს აღდგენის ახალ მიდგომებს, მათ შორის ჰაბიტატების გაუმჯობესებული დაცვისა და ახალი, გრძელვადიანი სამართლებრივი ვალდებულებების ეკოლოგიური მიზნების მიმართულებით.“ – განაცხადა გარემოს დაცვის მინისტრმა, რებეკა პაუმ (Rebecca Pow). „ევროკავშირის დირექტივებმა ვერ შეძლო ბუნების მდგომარეობის გაუარესების შეჩერება“ – დასძინა მან.

„ამან განაპირობა ის, რომ ჩვენი ექსპერტები პროცესზე პასუხისმგებლებად იქცნენ, არამც გარესამყაროზე. დღეს გვაქვს თავისუფალი ნება, იმისთვის, რომ მოვლენები უკეთ წარვმართოთ.“

გაერთიანებული სამეფოს Greenpeace-ის პოლიტიკური განყოფილების ხელმძღვანელმა, რებეკა ნიუსომ (Rebecca Newsom) განაცხადა: „ეს არის შანსი ბორის ჯონსონისთვის, დაადასტუროს ის საიმედო გეგმები, რომელიც წარმოაჩენს მთავრობის დანაპირებს, ინგლისის ხმელეთისა და ზღვის სრული, ან სულ მცირე 30% მაქსიმალურ დონეზე დაიცვას 2030 წლისთვის. ამისთვის რადიკალური ზომების მიღებაა საჭირო, განსაკუთრებით, პლასტმასის უწყვეტი ნაკადის შესაჩერებლად.“

„ეს განცხადებები უნდა შეიცავდეს მყარ მიზნებს, რათა 2025 წლისთვის ერთჯერადი პლასტმასის მოხმარება 50%-ით შემცირდეს; ამასთანავე სასწრაფოდ უნდა აიკრძალოს ინდუსტრიული თევზაობა ბრიტანეთის საზღვაო დაცულ ტერიტორიებზე.“

სტატიაზე მუშაობდა : ლიზი უგულავა

წყარო : news.sky.com