კოლუმბიის დედაქალაქში ჰაერის ხარისხის დაცემის გამო საგანგებო მდგომარეობა გამოცხადდა

• კოლუმბიაში უკვე 10 დღეა ტყის ხანძრები მძვინვარებს, ხოლო ძლიერმა ქარმა კვამლი 10.000 ჰეკტარ ტერიტორიაზე გაავრცელა.
• ბოგოტას მერმა ქალაქში საგანგებო მდგომარეობა გამოაცხადა, მასშემდეგ რაც ჰაერის ხარისხი საგანგაშოდ დაეცა.
• წელს კოლუმბიურ ამაზონიაში იანვარში ტემპერატურის რეკორდულად მაღალი მაჩვენებელი დაფიქსირდა, რაც ხელს უწყობს ტყის ხანძრებს.
• ტყეებს აგრეთვე წვავენ ადგილობრივი შეირაღებული დაჯგუფებების წევრები, რომლებიც აცხადებენ რომ საქონლისთვის საძოვრები სჭირდებათ.

კოლუმბია: ძლიერი ქარის წყალობით ტყის ხანძრების კვამლმა ქვეყნის დედაქალაქამდე მოაღწია. ცეცხლის კერა ბოგოტადან დაახ. 350 კილომეტრის დაშორებით, ჩრდილო-დასავლეთით მდებარეობს. მის გაჩენაში რამდენიმე შეიარაღებულ დაჯგუფებას ადანაშაულებენ.

ბოგოტა: ტყის ხანძრებმა, რომლებიც რამდენიმე დღის განმავლობაში ამაზონის ჯუნგლებში მძვინვარებდა, შაბათს ანდების დედაქალაქი ეკოლოგიური კატასტროფის წინაშე დააყენეს. ცუდი ხარისხის ჰაერმა პარიზისხელა ტერიტორია მოიცვა.

ქარმა ტყის ხანძრების შედეგად გაჩენილი კვამლი ჩრდილო-დასავლეთით 350 კილომეტრის ტერიტორიაზე გაფანტა. საბოლოოდ კვამლმა ბოგოტამდეც მიაღწია. ცეცხლის გაჩენაში რამდენიმე შეიარაღებულ ბანდ-ფორმირებას ადანაშაულებენ.

ბოგოტას მერმა, კლაუდია ლოპესმა, თავის გვერდზე ტვიტერში დაპოსტა რომ ქალაქის ნახევარზე მეტმა ჰაერის ხარისხის მაკონტროლებელმა სადგურმა ბოლო 48 საათის განმავლობაში ძალიან ცუდი შედეგები აჩვენა.

„ამიტომაც მძიმე ეკოლოგიური ფონის გამო ქალაქში საგანგებო მდგომარეობა გამოცხადდა“, წერს მერი.

ლოპესმა ქალაქის 8 მილიონ მაცხოვრებელს მოუწოდა უახლოეს დღეებში გარეთ გასვლისგან და ფიზიკური აქტივობებისგან მაქსიმალურად თავი შეეკავებინათ.

ქვეყნის მთავრობამ ხანძრების გაჩენაში ყოფილი მოჯანყეები დაადანაშაულა, რომლებმაც 2016 წელს ხელისუფლებასთან კომპრომისზე უარი განაცხადეს. მათ წარმომადგენელთა თქმით ისინი ხეებს წვავენ, რათა საქონლისთვის საძოვრები ქონდეთ.

ქვეყნის ცენტრში მდებარე პროვინცია გუავიარეს გუბერნატორმა, ჰაიდირ პალასიომ, „წითელი კოდის“ დონის საგანგებო მდგომარეობა გამოაცხადა. ხანძრებმა 10.000 ჰეკტარზე დიდი ტერიტორია მოიცვეს, რაც საფრანგეთის დედაქალაქის მასშტაბებს უტოლდება.

ამ წლის იანვარში კოლუმბიის ამაზონიაში ბოლო ათი წლის მანძილზე ყველაზე მაღალი ტემპერატურა დაფიქსირდა. რამაც ხელი შეუწყო დიდი რაოდენობით ტყის ხანძრების გაჩენას ქვეყნის სამხრეთ-აღმოსავლეთ რეგიონში. ყოველივე ეს ნეგატიურად აისახა ჰაერის ხარისხზე, ნათქვამია გარემოს დაცვის სააგენტოს ანგარიშში, რომელსაც ფრანც-პრესი პარასკევს გაეცნო.

სტატიაზე მუშაობდა : ლილიან მეტრეველი

წყარო : www.ndtv.com