„კლიმატის კრიზისი“

ორი წლის წინ, 8 ოქტომბერს, მთავრობათაშორის პანელზე, რომელიც კლიმატის ცვლილებას ეხებოდა გამოქვეყნდა ანგარიში ტემპერატურის 1.5 გრადუსიანი ზრდის შესახებ. ამ ანგარიშზე მუშაობდა 91 ავტორი და ჩართული იყო 40 ქვეყანა, შინაარსში კი ნახსენები იყო 6,000 სხვადასხვა ნაშრომი. ანგარიშის მთავარი მიზანი ბუნებასა და კაცობრიობას შორის ბალანსის აღდგენა იყო.

ანგარიშის გამოქვეყნების შემდეგ ორი წელი გავიდა, თუმცა მსოფლიო ლიდერები აგვიანებენ კრიზისის დასამარცხებელი ნაბიჯების გადადგმას.

ანგარიშის მიხედვით, 1.5 გრადუსი ცელსიუსი არის წითელი ხაზი ჩვენი გადარჩენისთვის და სტაბილური კლიმატის შენარჩუნებისთვის.  ამ წითელი ხაზის შესანარჩუნებლად  კი სულ უფრო ნაკლები დრო გვრჩება. წითელი ხაზის შენარჩუნება ნიშნავს, რომ წიაღისეული აღარ უნდა იყოს ენერგიის წყარო – ნახშირი, ნავთობი და გაზი უნდა დარჩეს მიწაში. ეს მოცემულობა, წიაღისეულით მოვაჭრეების ინტერესების საწინააღმდეგოა, შესაბამისად მათ სურთ წიაღისეულით ვაჭრობის გაგრძელება რაც შეიძლება დიდი ხნით. სწორედ, ეს ინტერესი არის მთავარი მიზეზი, რის გამოც ჩვენ დღეს + 3 გრადუსიანი დათბობის პერიოდში ვცხოვრობთ.

ორი წლის შემდეგ, გლობალური პანდემიის დროს მთავრობები მოქმედებენ აქტიურად, დგამენ რადიკალურ ნაბიჯებს და იღებენ მაქსიმალურად მკაცრ ზომებს, ხარჯავენ დიდ რესურსებს ეკონომიკის გადასარჩენად. კლიმატის ცვლილებას კი ისევ ნაკლები ყურადღება ექცევა. მეტიც, მთავრობები და ფინანსური ინსტიტუციები წიაღისეულით ვაჭრობის მხარეს დგანან და ახალისებენ ასეთ ბიზნესებს.

• ყველაზე მდიდარი 20 სახელმწიფო და საბანკო სექტორი კვლავ ათობით მილიარდ დოლარს ურიცხავს, უზრდის სესხებს ან პირდაპირ აფინანსებს ამ სექტორს.
• მთავრობები აპირებენ აწარმოონ 120%-ით მეტი რაოდენობის წიაღისეული, ვიდრე 1.5 გრადუსიან ბარიერშია გათვალისწინებული.
• მიუხედავად 2050 წლის “carbon neutrality” შეთანხმებისა, 8 უდიდესი ნავთობის მწარმოებელი კომპანია 2030 წლისთვის კვლავ აპირებს წარმოების გაზრდას. ჯერჯერობით მათ არანაირი ბერკეტი არ აქვთ, რის მიხედვითაც გააკონტროლდება წარმოება.

IPCC 1.5 გრადუსიანი ანგარიშის გამოქვეყნების შემდეგ, ზოგმა ქვეყანამ უკვე იგრძნო კლიმატის ცვლილების თანმდევი მოვლენები, სტიქიური უბედურებები, წყალდიდობები, ხანძრები. ამ მოვლენებმა აფრიკის კონტინენტზე მილიონობით ადამიანი დააზარალა, 2020 წლის ივლისში, ბანგლადეშის მესამედი წყალმა დაფარა, ავსტრალიაში კი ტყის ხანძრები მძვინვარებდა

მიუხედავად ამისა, წიაღისეული საწვავის ინდუსტრია საბანკო სექტორის დახმარებით კვლავ ზრდას აგრძელებს.

ბოლო ორი წლის განმავლობაში მთავრობებმა ვერ მიიღეს სათანადო ზომები. ამის საპასუხოდ, მთელ მსოფლიოში გააქტიურდა სამოქალაქო აქტივიზმი. მთავარი მამოძრავებელი ძალა ახალგაზრდები არიან, რომლებიც საპროტესტო აქციებს აწყობენ ქუჩებში. 2019 წლის სექტემბერში 8 მილიონი ადამიანი გამოვიდა ქუჩაში მსოფლიოს მასშტაბით კლიმატის ცვლილების წინააღმდეგ ბრძოლის მოთხოვნით.

2021 წლის ნოემბერში დიდი ბრიტანეთის მთავრობა უმასპინძლებს კლიმატის ცვლილების კონფერენციას (COP26), სადაც მთავრობები უნდა შეთანხმდნენ იმ ნაბიჯებზე, რომელიც ჰაერის ნაკლებად დაბინძურებას შეუწყობს ხელს.

თარგმნა : შაკო ღლონტი

რედაქტირება : ანა ქურდაძე

წყარო : https://350.org