ინდოეთის მთავრობა უარყოფს „წრფივ დამოკიდებულებას“ ჰაერის დაბინძურებასა და სიკვდილიანობას შორის

ნიუ დელიში პოლიტოლოგებმა უპასუხეს მრავალრიცხოვან კვლევებს, რომლებიც ვარაუდობენ, რომ ქვეყანაში ცუდი ჰაერი იწვევს სიკვდილს, რომლის თავიდან აცილებაც შესაძლებელია.

 ინდოეთის სახელმწიფო მინისტრმა გარემოს დაცვის საკითხებში აშვინი კუმარი ჩუბეიმ, გააკეთა საჯარო განცხადება, რომელშიც ნათქვამია, რომ არ დასტურდება მტკიცებულება, იმის შესახებ, რომ არსებობს „წრფივი დამოკიდებულება“ ჰაერის დაბინძურებასა და   სიკვდილიანობას შორის. მიზეზად მოჰყავს დამაჯერებელი მონაცემების ნაკლებობა, რომლითაც რაიმე პირდაპირი კორელაცია დადგინდება.

ეს გზავნილი იყო პასუხის ნაწილი კითხვებზე, მამხილებელ მოხსენებებთან დაკავშირებით, რომელიც კავშირშია ქვეყანაში არსებული ჰაერის ხარისხის პრობლემასთან. ჩიკაგოს უნივერსიტეტის მიერ შემოთავაზებული ამჟამინდელი ჰაერის ხარისხი – სიცოცხლის ინდექსის (AQLI)  მიხედვით, 40%-მდე მთლიანი მოსახლეობისთვის, სიცოცხლის ხანგრძლივობა  მცირდება. ამავდროულად, The Lancet Planetary Health-ში გამოქვეყნებული კვლევის თანახმად,  ინდოეთში, ყოველწლიურად, დაახლოებით 1.7 მილიონი სიცოცხლე ეწირება დაბინძურებულ ჰაერს.

მთავრობას აქვს ინფორმაცია მსგავსი კვლევების შესახებ. თუმცა, არ არსებობს კავშირი ჰაერის დაბინძურებასა და სიცოცხლის ხანგრძლივობას შორის, როგორც ეს   ნავარაუდევია ჰაერის ხარისხი – სიცოცხლის ინდექსში, ნათქვამია ჩიკაგოს უნივერსიტეტის ენერგეტიკული პოლიტიკის ინსტიტუტის ყოველწლიურ განახლებულ ანგარიშში, განუცხადა ჩუბეიმ ლოკ საბჰას – ინდოეთის პარლამენტის ქვედა პალატას.

ეს წელი განსაკუთრებით რთული იყო ინდოეთის ჰაერის ხარისხისთვის. გაზაფხულზე დაფიქსირდა და შენარჩუნდა მაღალი ტემპერატურა, მათ შორის ყველაზე ცხელი აპრილით, რაც ხელს უწყობს პროცესის დაჩქარებას, როდესაც ოზონი წარმოიქმნება ზედაპირზე.  ქვეყანაში უწყვეტმა ტყის ხანძრებმა ასევე მნიშვნელოვანი წვლილი შეიტანა ემისიებში, აზოტის ოქსიდისა და ნახშირორჟანგის ჩათვლით.

სტატიაზე მუშაობდა : თაკო ჩუმაშვილი და ლედი ბოჟაძე

წყარო : airqualitynews.com