ესპანელი მეღვინეები ყურძნის მტევნების დასაცავად მზის პანელებს იყენებენ

• ესპანეთში ხელოვნური ინტელექტის ინტეგრირდება აგრარულ სექტორში.
• თანამედროვე ინსტალაცია ნაკლები ხარჯით უფრო ხარისხიან მოსავალს  გვაწვდის.
• ინოვაციური მეთოდი ფოტოელექტრულ ენერგიასა და სოფლის მეურნეობას შორის ბალანსის შესანარჩუნებლად.

ვინაიდან გლობალური ღვინის ქარხნები კლიმატის ცვლილების გავლენას განიცდიან, ახალი პროექტი, სახელწოდებით „Winesolar“,  ახალ გზებს ეძებს ესპანეთში ვენახების ყურძნის დასაცავად და სუფთა ენერგიის გამოსამუშავებლად.

ესპანეთში, ბილბაოში, დაფუძნებულმა ენერგეტიკულმა კომპანია Iberdrola-მ, საღვინე ყურძნის მოსაყვანად, გვადამურში ვენახებში „თავშესაფარი“ შექმნა. თავშესაფარი დამზადებულია რამდენიმე მზის პანელით, რომლებიც გამოიმუშავებენ დაახლოებით 40 კვტ ენერგიას, რომელსაც, შემდეგში, González Byass-სა და Grupo Emperador-ის ღვინის ქარხნები იყენებენ. მზის პანელის თავშესაფარი, მცენარეების მზისგან დაჩრდილვით ან გამომზეურებით, ქმნის მიკროკლიმატს,  რომელიც მოსავლის მორწყვის შემდეგ აორთქლებას ამცირებს და  მცენარეს  მაღალი ტემპერატურისგან იცავს .

Iberdrola-ის მიხედვით, მიუხედავად იმისა, რომ მზის ენერგიისა და სასოფლო-სამეურნეო მიწის გაერთიანება ახალი არ არის, ერთ-ერთი კომპონენტი, რომელიც Winesolar პროექტს გამოარჩევს, არის ის, რომ მას ექნება PVH მოწყობილობით თვალყურის დევნების სისტემა, რომელიც იყენებს ხელოვნურ ინტელექტს (AI) ვაზისთვის მზის პანელის ყველაზე ეფექტური პოზიციონირების დასადგენად. Techdge, IT ფირმა, მზის პანელების პროექტს ღვინის ქარხნების სასოფლო-სამეურნეო მიზნების მიღწევაში დაეხმარება.

ვენახების სენსორები ჩაიწერენ მონაცემებს, მათ შორის, ნიადაგის ტენიანობას, ქარის პირობებს, მზის რადიაციასა და ვაზის სისქესაც კი, რათა იპოვონ მზის პანელების ოპტიმალური პოზიცია, რაც ვაზს კლიმატის ცვლილების ეფექტების წინააღმდეგ ბრძოლის შანსს გაუჩენს.

“ინსტალაცია  ხელს შეუწყობს ყურძნის ხარისხის გაუმჯობესებას, მიწის უფრო ეფექტურად გამოყენებას, სარწყავი წყლის მოხმარების შემცირებას და, მზარდი სიცხის ტალღების ფონზე, კლიმატური პირობებისადმი მდგრადობის გაუმჯობესებას“, – განმარტა Iberdrola-მ განცხადებაში.

მიუხედავად იმისა, რომ პროექტი მცირე და საპილოტეა, Iberdrola გეგმავს იდეის სხვა ესპანურ ვენახებზე განვრცობას და ამის გარდა ამისა, ესპანეთში კიდევ 1500 მეგავატის მზის პანელების დამატებას. კომპანიამ , CleanTechnica -ს ცნობით, 2022 წელს 2200 მეგავატი დაამონტაჟა, შარშან კი  – 800 მეგავატი.

პროექტი წარმოადგენს აგროელექტრო ენერგიის მიმართ მზარდი ინტერესის მაგალითს- ბალანსს ფოტოელექტრო ენერგიასა და სოფლის მეურნეობას შორის, ფერმებში მზის პანელების დამონტაჟების გზით. აგროელექტრო ენერგიის პროექტები მიზნად ისახავს მდგრადობის გაუმჯობესებასა და ფერმერობის ეფექტურობის გაზრდას. მიუხედავად იმისა, რომ ეს არ არის ახალი კონცეფცია – ის პირველად მოიფიქრეს 1980-იანი წლების დასაწყისში – ის უფრო პოპულარული ბოლო წლებში გახდა მისი პოტენციური გარემოსდაცვითი და ეკონომიკური სარგებლობის გამო.

„როცა საქმე ეხება გარემოს, აგროვოლტაიკის მთავარი სარგებელი არის ის, რომ ამცირებს სათბურის გაზების ემისიას სოფლის მეურნეობის სექტორიდან“, – წერს Iberdrola თავის ვებგვერდზე. „უფრო მეტიც, როგორც სოფლის მეურნეობისთვის, ასევე ენერგიისთვის მიწის ორმაგი გამოყენება ათავისუფლებს ზეწოლას ეკოსისტემებსა და ბიომრავალფეროვნებაზე, რომლებზეც კულტივირების ტერიტორიების გაფართოებას დიდი გავლენა აქვს.

სტატიაზე მუშაობდა : ლილი ყვავილაშვილი და ანა ახალაძე

წყარო : www.ecowatch.com

29 ნოემბერი 2022 წელი.