ელექტრო ავტობუსები შვედეთში.

საზოგადოებრივი ტრანსპორტის შვედური კომპანია Västtrafik დეკემბრისთვის გეგმავს 150 ელექტრო ავტობუსის შეყვანას შვედეთის გზებზე. ამ ინვესტიცით შვედეთი ხდება ყველაზე მეტი ეკო მეგობრული საზოგადოებრივი ტრანსპორტის მქონე ქვეყანა სკანდინავიაში. ავტობუსებს Västtrafik-ს მისცემს ფრანგული კომპანია Transdev.

ახალი ავტობუსები გოტენბურგში, რამდენიმე სხვადასხვა ადგილზე განაწილდებიან, კერძოდ, მალნდალსა და პარტილში. გოტენბურგში ავტობუსები ივლიან სამხრეთ-დასავლეთით, ფრელუნდას მოედნიდან ყველა მიმართულებით, მალნდალში კი ხაზების ნახევარი გახდება ელექტრო.

პარტილში (ვასტა გოთლანდის მუნიციპალიტეტი), შვედეთის დასავლეთ ნაწილში მთელი ავტობუსების ხაზის 75% იქნება ელექტრო ავტობუსებით დაკავებული.

ელექტრო ავტობუსების მიმართულებით მთავარი ინვესტიციები  2019 წელს დაიწყო. Västtrafik-ის ცნობით, სხვადასხვა რეგიონისთვის შემოყვანილი იქნა 60 ელექტრო ავტობუსი. პირველი ელექტრო ბორანიც ამ დროს გაეშვა გოტენბურგში. Västtrafik-ის მიზანია, 2030 წელს ქალაქი მთლიანად ელექტრო საზოგადოებრივ ტრანსპორტზე იყოს დამოკიდებული.

ახალი ავტობუსებისთვის მზადება უკვე მიმდინარეობს. შენდება ელექტრო ავტობუსების დასატენი 13 წერტილი, 3 დეპო კი რემონტდება.

„ეს ისტორიული ინვესტიციაა. ამ ქალაქების მოსახლეობა შეამჩნევს ნაკლებ ხმაურსა და ნაკლებ დაბინძურებას. ჩვენ მომავალი წლებისთვის ამბიციური მიზნები გვაქვს, ვგეგმავთ კიდევ უფრო მეტი ელექტრო ავტობუსის შემოყვანას. ეს დიდი გამოწვევაა, ჩვენ შეგვიძლია ისეთი მდგრადი ქალაქების აშენება, სადაც ცხოვრება უკეთესი იქნება“ ამბობს ჰანა ბიორკი, Västtrafik-ის მდგრადობის ხელმძღვანელი.

თარგმნა : შაკო ღლონტი

რედაქტირება : ანა ქურდაძე

წყარო : www.sustainable-bus.com